BAQ.kz - Қазақстан жаңалықтары USD 364.35 BAQ.kz - Қазақстан жаңалықтары EUR 419.95 BAQ.kz - Қазақстан жаңалықтары RUB 5.56
استانا:

ەلوردادا دۇنيەجۇزىلىك تاۋ-كەن كونگرەسى وتەدى

فوتو: arnapress.kz

وسى جىلدىڭ 19-22 ماۋسىمىندا استانا قالاسىندا ٴ25-شى دۇنيەجۇزىلىك تاۋ-كەن كونگرەسى (دتك) وتەدى. بۇل قاتتى پايدالى قازبالار كەن ورىندارىن يگەرۋ، عىلىم جانە تەحنيكا، سونداي-اق قورشاعان ورتانى قورعاۋ جانە ونەركاسىپتىك قاۋىپسىزدىك سالاسىندا جۇمىس ىستەيتىن الەمنىڭ 50 ەلىنىڭ ىسكەرلىك ورتا كاسىپقويلارى مەن عالىمدارىن بىرىكتىرۋگە باعىتتالعان ەڭ اۋقىمدى جانە ماڭىزدى سالالىق ٴىس-شارالاردىڭ ٴبىرى، دەپ حابارلايدى baq.kz اقپارات اگەنتتىگى استانا قالاسى اكىمدىگىنىڭ ٴباسپاسوز قىزمەتىنە سىلتەمە جاساپ.

كونگرەسس «يننوۆاسيالىق باسىمدىق – الەمدىك تاۋ-كەن ونەركاسىبىنىڭ ٴوسۋ جولىندا جاسالعان قادام» تاقىرىبىندا وتەدى جانە گەولوگيالىق بارلاۋ، ٴوندىرۋ جانە بايىتۋ، تاۋەكەلدەردى باعالاۋ، سالانى سيفرلاندىرۋ، جاڭا تەحنولوگيالاردى ەنگىزۋ، حالىقارالىق قارجىلاندىرۋدى تارتۋ جانە ت.ب. ماسەلەلەردى قامتيدى.

ٴقازىردىڭ وزىندە قۇرامىندا اۆستراليا، اۆستريا، كانادا، پولشا، نورۆەگيا جانە فرانسيادان دەلەگاسيالار، الەمنىڭ عىلىمي جانە ىسكەر قوعامداستىقتارىنىڭ جەتەكشى ساراپشىلارى، ينۆەستورلار مەن قارجى ينستيتۋتتارى، سونداي-اق ۇكىمەت باسشىلارى بار 46 ەل، 56 پروفيلدىك قاۋىمداستىق، 41 ۋنيۆەرسيتەت وزدەرىنىڭ قاتىسۋىن راستاعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي