BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

ەلوردادا العاش رەت الەۋمەتتىك كاسىپكەرلىك فورۋمى ۇيىمداستىرىلدى

فوتو: Нұржас Жақсыбай

استانا. baq.kz ٴتىلشىسى. استانادا العاش رەت الەۋمەتتىك كاسىپكەرلەر فورۋمى ٴوتتى.

ٴىس-شاراعا «نۇر وتان» پارتياسى استانا قالالىق فيليالى ٴتوراعاسىنىڭ ورىنباسارى ۆلاديسلاۆ سەرگەەۆ، «نۇر وتان» پارتياسى استانا قالالىق فيليالىنىڭ كاسىپكەرلىكتى قولداۋ كەڭەسىنىڭ ٴتوراعاسى، ٴماجىلىس دەپۋتاتى پاۆەل كازانسەۆ، green tal الەۋمەتتىك شەبەرحاناسىنىڭ نەگىزىن قالاۋشى ەمين اسكەروۆ جانە بيزنەس قۇرىلىمدارى، مەملەكەتتىك ورگاندار، ۇكىمەتتىك ەمەس ۇيىمدار وكىلدەرى مەن قوعام قايراتكەرلەرى قاتىستى.

فورۋمدى «نۇر وتان» پارتياسى استانا قالالىق فيليالى مەن green tal الەۋمەتتىك شەبەرحاناسى بىرلەسىپ ۇيىمداستىردى. وعان 20-عا جۋىق الەۋمەتتىك سالادا قىزمەت اتقارىپ جۇرگەن ۇيىمدار قاتىستى.

«قازىرگى تاڭدا استانادا 50-دەن استام الەۋمەتتىك كاسىپكەر بار. فورۋم اياسىندا ۇيىمداستىرىلعان جارمەڭكەدە 22 الەۋمەتتىك كاسىپكەر قاتىستى. بۇل الەۋمەتتىك جانە ەكولوگيالىق ماسەلەلەردى شەشىپ جۇرگەن ازاماتتار. ولاردىڭ كومپانيالارىندا مۇمكىندىگى شەكتەۋلى جاندار، جەتىمدەر مەن الەۋمەتتىك از قامتىلعان توپتاردىڭ مۇشەلەرى جۇمىس ىستەيدى»، - دەدى «نۇر وتان» پارتياسى استانا قالالىق فيليالى ٴتوراعاسىنىڭ ورىنباسارى ۆلاديسلاۆ سەرگەەۆ.

وسى ورايدا ول اتالعان فورۋمنىڭ ماڭىزىن ٴتۇسىندىردى.

«الەۋمەتتىك كاسىپكەرلىك – ەۋروپا مەن رەسەيدە بولىپ جاتقان الەمدىك ترەند. ٴبىراق بۇل ەلىمىزگە ەندى كىرگەلى وتىر. العاش رەت ۇيىمداستىرىلىپ وتىرعان فورۋم اتالعان سالانى دامىتۋعا تىڭ سەرپىن بەرەدى. شارا ازاماتتارعا الەۋمەتتىك كاسىپكەر بولۋعا وي سالادى دەگەن ۇمىتتەمىن. فورۋم اياسىندا الەۋمەتتىك كاسىپكەرلىككە قولداۋ كورسەتۋدىڭ مەحانيزمدەرى تالقىعا سالىنادى»، - دەدى نۇر وتان» پارتياسى استانا قالالىق فيليالى ٴتوراعاسىنىڭ ورىنباسارى.

فوتو: نۇرجاس جاقسىباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي