USD 335.71 EUR 357.36 RUB 5.23
استانا:

ەلىمىزدىڭ باسىم بولىگىندە – كۇشتى جەل، تۇمان، كوكتايعاق

فوتو: PhotoCentra

29 قاراشادا ەلىمىزدىڭ باسىم بولىگىندە اۋا رايى جاۋىن-شاشىنسىز بولادى، رەسپۋبليكامىزدىڭ سولتۇستىك جانە باتىس اۋماقتارىندا اتموسفەرالىق اعىمداردىڭ وتۋىنە بايلانىستى جاۋىن-شاشىن كۇتىلەدى. كەي جەرلەردە تۇمان، كوكتايعاق، بۇرقاسىن بولىپ، سولتۇستىك وبلىستاردىڭ كەي جەرلەرىندە كۇشتى جەل تۇرادى، دەپ حابارلايدى قازگيدرومەت.

اقمولا، سولتۇستىك قازاقستان وبلىستارىندا جىلدامدىعى 15-20 م/س جەل سوعىپ، ەكپىنى 23-28 م/س، كەي جەرلەردە 30 م/س دەيىن كۇشەيەدى، كەي جەرلەردە بۇرقاسىن، كوكتايعاق بولادى دەپ بولجانۋدا.

الماتى وبلىسىنىڭ جالاڭاشكول اۋماقتارىندا جەل 17-22 م/س دەيىن كۇشەيەدى، تۇندە كەي جەرلەردە تۇمان بولادى. قوستاناي وبلىسىندا جەل 15-20 م/س كۇشەيەدى، كەي جەرلەردە تۇمان ٴتۇسىپ، كوكتايعاق، ازداپ بوران سوعۋى مۇمكىن.

جامبىل، اتىراۋ، باتىس قازاقستان، اقتوبە وبلىستارىنىڭ كەي جەرلەرىندە تۇمان، كوكتايعاق كۇتىلەدى، تۇندە باتىس قازاقستان، اقتوبە وبلىستارىنىڭ جەكەلەگەن جەرلەرىندە 15-20 م/س دەيىن جەل كۇشەيەدى.

پاۆلودار، شىعىس قازاقستان وبلىستارىنىڭ كەي جەرلەرىندە تۇمان ٴتۇسىپ، ازداپ بۇرقاسىنداتادى. قاراعاندى وبلىسىنىڭ كەي جەرلەرىندە تۇمان، جەل جىلدامدىعى 15-20 م/س دەيىن كۇشەيەدى. وڭتۇستىك قازاقستان، قىزىلوردا، ماڭعىستاۋ وبلىستارىنىڭ كەي جەرلەرىندە تۇمان كۇتىلەدى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي