BAQ.kz - Қазақстан жаңалықтары USD 359 BAQ.kz - Қазақстан жаңалықтары EUR 420.1 BAQ.kz - Қазақстан жаңалықтары RUB 5.41
استانا:

ەلىمىزدە ٴۇي باعاسى قىمباتتامايدى

فوتو: Kn.kz

ۇكىمەتتىڭ ٴباسپاسوز ورتالىعىندا وتكەن بريفينگتە ۇلتتىق بانك ٴتوراعاسىنىڭ ورىنباسارى ولەگ سمولياكوۆ باسپانا قۇنىنىڭ كوتەرىلۋىنە «7-20-25» باعدارلاماسى ايتارلىقتاي اسەر ەتپەيتىنىن ايتتى، دەپ حابارلايدى baq.kz اقپارات اگەنتتىگى.

«ٴبىز «نۇرلى جەر» باعدارلاماسىمەن جۇمىس ىستەيتىن بولامىز. قۇرىلىس اۋقىمى ارتادى. ينۆەستيسيا تارتىلادى، سوندىقتان سۇرانىس ارتىپ، تۇرعىن ٴۇي باعاسى قىمباتتاپ كەتەدى دەگەن ويدان اۋلاقپىز»، - دەدى قر ۇلتتىق بانكى ٴتوراعاسىنىڭ ورىنباسارى ولەگ سمولياكوۆ.

ناۋرىز ايىنىڭ سوڭىنا دەيىن زاڭناماعا ەنگىزىلەتىن وزگەرىستەر بويىنشا قۇجاتتار دايىندالىپ، پارلامەنت قاراۋىنا ۇسىنىلادى. ول قابىلدانعاننان كەيىن جاڭا يپوتەكالىق نەسيە تەتىگى ىسكە قوسىلادى.

«كوكتەمگى سەسسيا كەزىندە وسى تۇزەتۋلەر قابىلداناتىن بولادى، ال ٴبىرىنشى جارتىجىلدىقتا ٴبىز بارلىق دايىندىق شارالارىن اياقتايمىز. العاشقى پۋل قالىپتاسقان سوڭ بانكتەر ەكىنشى جارتىلدىقتان باستاپ جاڭا باعدارلاما بويىنشا نەسيەلەر بەرۋدى باستايدى. ارينە، ٴبىزدىڭ كومپانيا – بۇل باستامانى ىسكە اسىراتىن ەنشىلەس ۇيىم. ونى جۇزەگە اسىرىپ، وسى نەسيەلەردى ساتىپ الا الادى»، - دەيدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي