USD 334.31 EUR 355.17 RUB 5.31
استانا:

ەلىمىزدە وزگەنىڭ تاۋار بەلگىسىن زاڭسىز پايدالانۋ كەڭ تارالعان

ەلىمىزدە زياتكەرلىك سالاسىندا وزگەنىڭ تاۋارلىق بەلگىسىن زاڭسىز پايدالانۋ كەڭ تارالىپ كەتتى. بۇل تۋرالى استانا ادىلەت دەپارتامەنتىندە وتكەن قوعامدىق وتىرىستا ادىلەت دەپارتامەنتى زياتكەرلىك مەنشىك قۇقىقتارى جونىندەگى ٴبولىمنىڭ باس مامانى اسەل سيباعاتوۆا ايتتى، دەپ حابارلايدى baq.kz ٴتىلشىسى.

«زاڭ جوباسىنداعى 12 نورماتيۆتىك-قۇقىقتىق اكتىگە وزگەرتۋلەر مەن تولىقتىرۋلار ەنگىزىلدى. زاڭ جوباسىن ازىرلەۋ بارىسىندا ەكونوميكالىق ىنتىماقتاستىق جانە دامۋ ۇيىمىنىڭ تاجىريبەسى زەرتتەلدى. سونىمەن قاتار، قازاقستاننىڭ ەۋرازيالىق ەكونوميكالىق وداققا مۇشەلىگى نازارعا الىندى»، - دەدى باس مامان ٴوز بايانداماسىندا.

ونىڭ ايتۋىنشا، زاڭ جوباسىندا ٴتيىمدى تۇستار كوپ. ماسەلەن، زياتكەرلىك مەنشىك وبەكتىلەرىن تىركەۋدىڭ ٴبىر دەڭگەيلى جۇيەسىن قۇرۋ، تىركەۋگە قاتىستى داۋلاردى سوتقا دەيىن قاراۋ جۇمىستارىن كەڭەيتۋ، سونىمەن قاتار، تاڭبانى زاڭسىز پايدالانعانى ٴۇشىن وتەماقى الۋ قۇقىعىن قامتاماسىز ەتۋ جاعى قاراستىرىلعان.

«ەلىمىزدە زياتكەرلىك سالاسىندا وزگەنىڭ تاۋارلىق بەلگىسىن زاڭسىز پايدالانۋ كەڭ تارالعان. تاۋار بەلگىسىن زاڭسىز پايدالانعانداردان 500-دەن 10 مىڭ اەك-كە دەيىن نەمەسە تاۋار قۇنىنان ەكى ەسە كولەمىندە وتەماقى الۋ قۇقىعىن بەرۋ نورماسىن ەنگىزۋ ۇسىنىلىپ وتىر»، - دەدى اسەل سيباعاتوۆا.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي