BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

ەلىمىزدە مەرزىمدى اسكەري قىزمەتكە شاقىرۋدىڭ كوكتەمگى ناۋقانى باستالدى

فوتو: Хабар 24

ازاماتتاردى مەرزىمدى اسكەري قىزمەتكە شاقىرۋدىڭ كوكتەمگى ناۋقانى باستالدى. بۇل تۋرالى ورتالىق كوممۋنيكاسيالار قىزمەتىندە وتكەن ٴباسپاسوز كونفەرەنسياسىندا ايتىلدى، دەپ حابارلايدى baq.kz ٴتىلشىسى.

قر «اسكەري قىزمەت جانە اسكەري قىزمەتشىلەردىڭ مارتەبەسى تۋرالى» زاڭنىڭ باپتارىنا سايكەس، سونداي-اق «اسكەري قىزمەتتىڭ بەلگىلەنگەن مەرزىمىن وتكەرگەن مەرزىمدى اسكەري قىزمەتتەگى اسكەري قىزمەتشىلەردى زاپاسقا شىعارۋ جانە قازاقستان رەسپۋبليكاسىنىڭ ازاماتتارىن 2018 جىلدىڭ ناۋرىز – ماۋسىمىندا جانە قىركۇيەك – جەلتوقسانىندا مەرزىمدى اسكەري قىزمەتكە كەزەكتى شاقىرۋ تۋرالى» 2018 جىلدىڭ 28 اقپانىنداعى ەلباسىنىڭ №644 جارلىعىنا سايكەس اسكەرگە شاقىرۋ ناۋقانى باستالدى.

«بۇل تەك اسكەري باسقارۋ ورگاندارىندا عانا ەمەس، مەملەكەتتىك دەڭگەيدە جۇرگىزىلەتىن ۇلكەن ٴىس-شارا. بىرىنشىدەن، ازاماتتاردى حاباردار ەتۋ كەرەك، ەكىنشىدەن، ولاردى مەديسينالىق كوميسسيانىڭ ساراپتاماسىنان وتكىزۋ جۇمىستىرى جۇرگىزىلەدى. ۇشىنشىدەن، اسكەرگە جارامدى جاستارىمىزدىڭ بارلىعىن پسيحولوگيالىق–مورالدىق تۇرعىدا اسكەردىڭ قاي تۇرىنە دايىن ەكەنىن انىقتاۋ جانە اسكەري بولىمدەردى ۋاقىتىمەن تولىقتىرىپ وتىرۋ جوسپارلانۋدا»، - دەدى استانا قالاسىنىڭ ٴقىد باستىعىنىڭ ورىنباسارى عاني ارتىقوۆ.

ٴوز كەزەگىندە زاڭدا بەلگىلەنگەن 12 ايلىق اسكەري قىزمەتىن اتقارعان قارۋلى كۇشتەردەگى جانە باسقا دا اسكەري تۇرلەردەگى زاپاستاعى ازاماتتار ۇيلەرىنە قايتارىلىپ وتىرادى. ال، ولاردىڭ ورنى شاقىرىلاتىن ازاماتتارمەن تولىقتىرىلادى.

ونىڭ ايتۋىنشا، وسى جۇمىستاردىڭ ىشىندەگى باستى ماسەلە مەديسينالىق ساراپتامادان وتكىزۋ. ساراپتاما ناتيجەسىندە ٴبىز ەلىمىزدەگى جاس ازاماتتاردىڭ دەنساۋلىعى قانداي جاعدايدا ەكەنىن، اۋرۋدىڭ قانداي ٴتۇرى كوبەيىپ نەمەسە تومەندەپ كەلە جاتقانىن انىقتاۋعا مۇمكىندىك بولادى.

«وزدەرىڭىز بىلەسىزدەر، كوپ جاعدايدا جاستار وزدىگىنەن مەديسينالىق تەكسەرۋلەردەن وتپەيدى. سوندىقتان ٴبىز وسى ساراپتامالاردىڭ ارقاسىندا ەلىمىز بويىنشا جاستاردىڭ دەنساۋلىعىنا بايلانىستى تۋىندايتىن پروبلەمالاردى دا كوتەرەمىز. ولاردى ەمدەۋ-ساۋىقتىرۋ جۇمىستارىن ىسكە اسىرامىز»، - دەدى عاني ارتىقوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي