USD 334.31 EUR 355.17 RUB 5.31
استانا:

ويىنشىقتاردىڭ 40 پايىزىندا زياندى زاتتار بار

فوتو: YouTube

وسى جىلدىڭ 9 ايىنداعى بالالار ويىنشىقتارىنا جۇرگىزىلگەن مونيتورينگ ناتيجەسى ەل نارىقتارىندا ساتىلاتىن ويىنشىقتاردىڭ 40 پايىزى ساپاسىز ەكەنىن كورسەتتى، دەپ حابارلايدى قازاقپارات قر تۇتىنۋشىلار قۇقىقتارىن قورعاۋ كوميتەتىنىڭ ٴباسپاسوز قىزمەتىنە سىلتەمە جاساپ.

«بارلىعى 1277 سىناما الىندى، ونىڭ 510-ى نورماعا سايكەس كەلمەيدى. ساۋدا ورىندارىن تەكسەرۋ ونىمدەردىڭ باسىم بولىگىندە ساپا جانە قاۋىپسىزدىك سەرتيفيكاتتارى جوقتىعىن كورسەتتى. بۇدان باسقا، تاۋاردى تاڭبالاۋدا تالاپتاردىڭ بۇزىلعاندىعى انىقتالدى. ويىنشىقتار سانيتارلىق-حيميالىق، توكسيكولوگيالىق كورسەتكىشتەر بويىنشا قاۋىپسىزدىك تالاپتارىنا سايكەس كەلمەيدى. بارلىق ٴقاۋىپتى ويىنشىقتار اينالىمنان الىندى»، - دەلىنگەن حابارلامادا.

ۆەدومستۆونىڭ دەرەكتەرىنە سۇيەنسەك، ساتىلاتىن ويىنشىقتار مەن ويىنداردىڭ 90 پايىزى قىتايدان اكەلىنەدى.

«ويىنشىقتار بقو، سقو، قىزىلوردا وبلىسى، اقتاۋ قالاسى جانە قازاقستاننىڭ باسقا دا ٴىرى قالالارىنان تاركىلەندى»، - دەلىنگەن حابارلامادا.

رۋدنىيدا paw patrol ويىنشىقتارى ورگانولەپتيكالىق، فيزيكالىق-حيميالىق كورسەتكىشتەر بويىنشا سايكەس كەلمەيتىنى انىقتالدى، ٴيىسى باسىم، قۇرامىندا فەنول بار.

قىزىلوردادا «شاحمات» جانە «شاشكي/شاحماتى/ناردى» ۇستەل ويىندارىندا فورمالدەگيد كوپ مولشەردە ەكەنى انىقتالدى. جامبىل وبلىسىندا «kaizhi tidland eden قۇمسالعىشىندا فورمالدەگيد تابىلدى. بارلىعى قىتايدا شىعارىلعان.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي