BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

ەلىمىزدە 5 مىڭعا جۋىق سوتتالعان ازامات بوستاندىققا شىعۋى مۇمكىن 

قازاقستاندا قىلمىستىق پروسەستى گۋمانيزاسيالاۋ اياسىندا قابىلدانعان زاڭعا سايكەس 5 مىڭعا جۋىق ازامات بوستاندىققا شىعارىلۋى مۇمكىن. بۇل جونىندە قر باس پروكۋرورى قايرات قوجامجاروۆ باس پروكۋراتۋرانىڭ القا وتىرىسىندا مالىمدەدى، دەپ حابارلايدى baq.kz ٴتىلشىسى.

«جاڭا ينستيتۋتتاردى ەنگىزۋ ناتيجەسىندە قۇقىق قورعاۋ جۇيەسىنىڭ جالپى قىزمەتى قايتا جاساقتالدى. بۇل جۇمىستىڭ ناتيجەسى دە بار. ۇستالعانداردىڭ سانى ٴۇش ەسەگە – 8،4 مىڭنان 5،8 مىڭعا دەيىن ازايدى جانە قاماۋعا الىنعانداردىڭ سانى 6،8 مىڭنان 4،8 مىڭعا دەيىن تومەندەتىلدى. پروكۋرورلار 6 ايدا قۇقىق قورعاۋ ورگاندارى مەن ۋاقىتشا ۇستاۋ يزولياتورىنداعى قىزمەتتىك كابينەتتەردەن 3،5 ەسەدەن استام ازاماتتى بوساتتى. ياعني، بۇل 126-دان 423-كە دەيىنگى كورسەتكىشتى قۇرايدى»، - دەدى باس پروكۋرور.

قوجامجاروۆ ەلىمىزدەگى قىلمىستىق پروسەستى گۋمانيزاسيالاۋ اياسىندا باس پروكۋراتۋرا ارنايى زاڭ جوباسى ازىرلەنگەنىن ايتىپ، قۇجاتتىڭ باستى قاعيدالارىنا توقتالدى.

«قىلمىستاردىڭ 260 قۇرامى بويىنشا قوعامدىق جۇمىس پەن باس بوستاندىعىنان شەكتەۋ ەنگىزىلۋدە. ايىپپۇل كولەمى تومەندەتىلىپ، 36 قۇرام بويىنشا باس بوستاندىعىن شەكتەۋ مەرزىمى ازايتىلۋدا. اۋىر قىلمىستار بويىنشا جاۋاپتىلىققا تارتۋدىڭ ەسكىرۋ مەرزىمى 5 جىلعا قىسقارتىلىپ وتىر. جالپى، بۇل 5 مىڭعا جۋىق سوتتالعان ازاماتتى بوستاندىققا شىعارۋعا مۇمكىندىك بەرەدى»، - دەگەن ۆەدومستۆو باسشىسى زاڭدىلىقتى نىعايتۋ بويىنشا جۇمىستار جالعاسىن تاباتىنىن ايتتى.

ايتا كەتۋ كەرەك، اتالعان زاڭمەن قىلمىستىق كودەكستىڭ 255-بابىنا، قىلمىستىق-پروسەستىك كودەكستىڭ 16-بابىنا جانە قىلمىستىق-اتقارۋ كودەكسىنىڭ 6-بابىنا سايكەس وزگەرتۋلەر ەنگىزىلىپ وتىر.

بۇعان دەيىن حابارلاعانىمىزداي، ەلىمىزدە پروكۋرورلىق قاداعالاۋ ناتيجەسىندە 3 ملن ازاماتتىڭ قۇقىعى قورعالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي