BAQ.kz - Қазақстан жаңалықтары USD 340.27 BAQ.kz - Қазақстан жаңалықтары EUR 396.31 BAQ.kz - Қазақстан жаңалықтары RUB 5.39
استانا:

ەكسپو پاۆيلوندارىن جالعا بەرۋ قۇنى بەلگىلى بولدى

فوتو: Нұржас Жақсыбай

«استانا ەكسپو-2017» ۇك» اق باسقارما ٴتوراعاسىنىڭ ورىنباسارى ۆلاديمير ليۋتوۆ ارنايى پرەسس-تۋر بارىسىندا ەكسپو كورمەسىنىڭ پاۆيلوندارى قانداي باعاعا جالعا بەرىلەتىنىن ٴمالىم ەتتى، دەپ حابارلايدى baq.kz ٴتىلشىسى.

ونىڭ ايتۋىنشا، مەملەكەت باسشىسى «استانا ەكسپو-2017» ۇلتتىق كومپانياسىنا كورمە اۋماعىندا سالىنعان نىسانداردى ٴتيىمدى پايدالانۋ تۋرالى ناقتى تاپسىرما بەرىپتى. وسى ورايدا باسشى جۋرناليستەرگە اتالعان تاپسىرمانىڭ قالاي ورىندالىپ جاتقانىن باياندادى.

«قازىرگى تاڭدا ٴبىز بۇرىنعى كورپوراتيۆتىك س4.6 پاۆيلونىندا تۇرمىز. ونىڭ اۋماعى 5 مىڭ شارشى مەتر بولعان. بۇگىندە بۇل نىساندا جوندەۋ جۇمىستارى ٴجۇرىپ جاتىر. 2018 جىلدىڭ 1 شىلدەسىندە ٴدال وسى جەردە «استانا hub» ورتالىعى اشىلادى. بۇل ورتالىق ٴىت-ستارتاپتاردىڭ الاڭى بولادى. وسى جەردە «سيفرلىق قازاقستان» باعدارلاماسىنا قاتىستى لەكسيالىق اۋديتوريالار، لابوراتوريالار، كونفەرەنسيا زالدارى، ستارتاپتارعا ارنالعان كەڭسەلەر اشىلادى، - دەدى ۆلاديمير ليۋتوۆ.

سونىمەن قاتار، ول س4.6 پاۆيلونىنىڭ جالپى اۋماعى قايتا جاڭعىرتۋعا دەيىن 5 مىڭ شارشى مەتر بولعانىن، ٴارى جوندەۋ جۇمىستارى اياقتالعان سوڭ اتالعان نىساننىڭ اۋدانى 9،6 مىڭ شارشى مەتردى قۇرايتىنىن اتاپ ٴوتتى.

«قازىرگى ۋاقىتتا وسى پاۆيلوندا 118 جۇمىسشى، ال جالپى كورمە الاڭىندا 800-گە جۋىق ادام جۇمىس ىستەپ جاتىر. ال «استانا» حالىقارالىق قارجى ورتالىعى كورمەنىڭ بۇرىنعى حالىقارالىق پاۆيلونداردىڭ اۋماعىندا – س3 جانە س4-تە ورنالاسادى. قارجى ورتالىعىنىڭ نىساندارى 2018 جىلدىڭ 1 جەلتوقسانىندا بەرىلىپ، 2019 جىلى ورتالىق قىزمەتكەرلەرى وسىندا كوشىپ كەلەدى»، - دەيدى ٴتوراعا ورىنباسارى.

ۆلاديمير ليۋتوۆتىڭ ايتۋىنشا، س3 پاۆيلونىندا «استانا» حالىقارالىق قارجى ورتالىعىنىڭ اكىمشىلىگى، سوتى، قور بيرجالارى ورنالاسسا، س4 پاۆيلونىندا ٴبىلىم بەرۋگە ارنالعان اۋماقتار بولادى. سونداي-اق، س2 پاۆيلونىنا قايتا جوندەۋ جۇمىستارى جۇرگىزىلەدى. جۇمىستار اياقتالعان سوڭ وندا كەڭسەلىك ورتالىقتار اشىلادى. بۇل كەڭسەدە احقو-نىڭ سەرىكتەستەرى جۇمىس ىستەيدى.

«قايتا جاڭعىرتۋعا دەيىن بۇل پاۆيلونداردىڭ جالپى اۋماعى (قاباتسىز، بارلىق پاركينگسىز) 52 مىڭ شارشى مەتردى قۇراعان. قايتا جاڭعىرتۋ جۇمىستارىنان كەيىن بۇل 86،2 مىڭ شارشى مەتردى قۇرايدى. سونداي-اق پاۆيلونداردا قوسىمشا قاباتتار سالىنادى. ەكسپو نىساندارىن جوبالاۋ كەزىندە ٴبىز جۇكتىلىك مولشەرىن الدىن الا ەسەپتەدىك. ەلباسى كورمە نىساندارىن پايدالانۋ كونسەپسياسىمەن جاقىندا تانىستى»، - دەدى باسشى.

وسى ورايدا مەملەكەت باسشىسى اتالعان كونسەپسيامەن تانىسقان سوڭ «استانا ەكسپو-2017» ۇلتتىق كومپانياسى تومەندەگىدەي شەشىمگە كەلگەن.

«س1 پاۆيلونىندا ىت-ۋنيۆەرسيتەت اشىلادى. ٴبىز جينالىس وتكىزدىك. بۇل نىساندى ٴقازىر جوبالاۋ بويىنشا تاپسىرما بەرىپ جاتىرمىز. قازىرگى ۋاقىتتا «نۇر الەم» پاۆيلونى جۇمىس ىستەپ تۇر. جەكسەنبى كۇنى عانا ول جەرگە 2 مىڭعا جۋىق قوناق كەلىپ كەتتى. سونداي-اق، بىزدە شارشى مەتردى جالعا بەرۋ شارتى بار. شامامەن مۇنداعى 1 شارشى مەتردى جالعا الۋ قۇنى – 6700 تەڭگە. قازىرگى ۋاقىتتا نىساندار پايدالانۋعا بەرىلمەگەندىكتەن، قانشا جالعا الۋشىمەن كەلىسىمشارت جاسالعانىن ايتا المايمىن»، - دەپ تۇيىندەدى ٴسوزىن ۆلاديمير ليۋتوۆ.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي