BAQ.kz - Қазақстан жаңалықтары USD 360.87 BAQ.kz - Қазақстан жаңалықтары EUR 410.27 BAQ.kz - Қазақстан жаңалықтары RUB 5.4
استانا:

ەكىباستۇزدا اشىق اسپان استىندا جاڭا باسسەين اشىلدى

فوتو: pavlodarnews.kz

ەكىباستۇز قالاسىنىڭ «شاحتەر» مادەنيەت جانە دەمالىس ساياباعىندا erg مەن پاۆلودار وبلىسى اكىمدىگى اراسىنداعى الەۋمەتتىك جوبالاردى جۇزەگە اسىرۋداعى ىنتىماقتاستىق تۋرالى مەموراندۋم اياسىندا باسسەين اشىلدى، دەپ حابارلايدى baq.kz اقپارات اگەنتتىگى pavlodarnews.kz سايتىنا سىلتەمە جاساپ.

بۇل تۋرالى ەكىباستۇز قالاسى اكىمىنىڭ ٴباسپاسوز قىزمەتى ٴمالىم دەدى. ساياباقتى جاڭعىرتىپ، اباتتاندىرۋعا 300 ملن تەڭگە باعىتتالعان. باسسەين اپتانىڭ سوڭىنا دەيىن تەگىن بولادى. جۇمىس ۋاقىتى ساعات 12.00-دەن 20.00-گە دەيىن. جىلدىڭ ىستىق مەزگىلىندە جۇمىس ىستەيدى.

«بۇگىنگى ٴجۇزۋ الاڭى كوپتەگەن بالاقايلارعا قۋانىش سىيلاپ، اتا-انالارىمەن بوس ۋاقىتتارىن ٴتيىمدى وتكىزۋگە سەپتىگىن تيگىزەدى دەگەن ۇمىتتەمىن. بارلىقتارىڭىزدى نىساننىڭ اشىلۋىمەن قۇتتىقتايمىن. ەلىمىزدىڭ جۇلدىزدى سپورتشىلارى وسى جەردەن جاتتىعىپ شىعاتىنىنا سەنىمدىمىن»، - دەدى مەردىگەر ۇيىم «سۆياز دەتال» ٴجشس-نىڭ باسشىسى قايرات قاقاشين.

«ەەك» اق «ۆوستوچنىي» رازرەزىنىڭ وكىلى رۋستام مامانجانوۆتىڭ ايتۋىنشا، مۇنىڭ بارلىعى كۇن ساناپ كوركەيىپ جاتقان قالامىز بەن تۇرعىندارىمىز ٴۇشىن جاسالۋدا. بالالاردىڭ جۇزىندەگى قۋانىش جينالعاندارعا جىلىلىق سىيلايدى.

تەرەڭدىگى 1،5 مەتر ٴمونوليتتى باسسەينگە ٴبىر مەزەتتە 100 ادام شومىلا الادى. ەنى – 12، ۇزىندىعى – 28،67 مەتر. كەلۋشىلەر جايلىلىعى ٴۇشىن بارلىق اۋماق بويىندا كەسپە تاس توسەلگەن، اجەتحانالار، جاتاقتار مەن شەشىنەتىن ورىندار بار. باسسەين تازالاۋ فيلترلەرىمەن جابدىقتالعان، بۇل سۋدىڭ ٴاردايىم تازا بولۋىن قامتاماسىز ەتەدى. شومىلۋ ٴۇشىن ساياباقتاعى مەديسينالىق پۋنكتەن تەكسەرىلۋ كەرەك نەمەسە مىندەتتى تۇردە وزدەرىمەن بىرگە دەنساۋلىعى تۋرالى انىقتاما بولۋى شارت. بۇدان باسقا، ەۋرازيالىق توپ مەموراندۋمى شەڭبەرىندە 4 مىڭ ورىنعا ەسەپتەلگەن ەسترادالىق-ساحنالىق الاڭ (امفيتەاتر) قۇرىلىسىنا قاراجات بولگەندىگىن ايتا كەتكەن ٴجون. ەكىباستۇزداعى بۇقارالىق ٴىس-شارالاردىڭ باسىم بولىگى وسى «شاحتەر» ساياباعىندا وتەدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي