BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

دقق جۇمىس توبى الماتىدا ارىز-شاعىم قابىلداۋدى جالعاستىرادى

الماتى، baq.kz. ٴتورت كۇننەن بەرى الماتىدا دۇنيەجۇزى قازاق قاۋىمداستىعىنىڭ وكىلدەرى شەتتەن كەلگەن قانداستاردان ارىز قابىلاپ جاتىر.

"شاعىمى بار ادامدار بولسا، الماتى قالاسى ٴۋاليxانوۆ كوشەسى 43 ۇيدە ورنالاسقان قاۋىمداستىقتىڭ 4- قاباتىندا كۇندەلىكتى جۇمىس ۋاقىتىندا بارۋعا بولادى. جۇما كۇننەن بەرى جينالعان 40-تاي ارىزدى استاناعا جىبەرىلدى. ەندىگىسىڭ اپتانىڭ سوڭىندا تاپسىرامىز" - دەيدى جۇمىس توبىنىڭ باسشىسى دقق استانا مەن اقمولا وبلىسى بويىنشا فيليال ديرەكتورى قارلىعاش بەكپاتشاقىزى.

ونىڭ ايتۋىنا قاراعاندا، قاۋىمداستىق ٴتوراعاسىنىڭ ٴبىرىنشى ورىنباسارى زاۋىتبەك تۇرىسبەكوۆ "ٴار قانداستىڭ شاعىمى بويىنشا قاتىستى ورىنعا كىرەم، قر سىرتقى ىستەر مينيسترىنە، قىتاي ەلشىسىنە كىرىپ، ٴار قانداستىڭ ماسەلەسىن جەكە-جەكە ايتامىن دەدى" دەپ وتىر.

"ەلباسىمىز ٴوزى باسقاراتىن قوعامدىق ۇيىم وكىلدەرى بۇعان دەيىن دە وسى ماسەلە بويىنشا قاتىستى ورىندارمەن كەلىسسوز وتكىزىپ كەلگەن. الداعى ۋاقىتتا دا تىعىز بايلانىستا جۇمىس ىستەي بەرەتىن بولامىز" - دەيدى جۇمىس توبىنىڭ باسشىسى قارلىعاش بەكپاتشاقىزى.

ەستەرىڭىزگە سالا كەتەيىك، بۇعان دەيىن دقق قانداستارمەن جۇمىس ىستەۋ بويىنشا ارنايى توپ قۇرىلىپ، الماتىدا ٴوز جۇمىسىن باستاعانى تۋرالى حابارلاعان بولاتىنبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي