BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

ٴدىني كوشباسشىلار جەر بەتىندەگى بەيبىتشىلىك ٴۇشىن دۇعا جاسادى

بۇگىن الەمدىك جانە ٴداستۇرلى دىندەر ليدەرلەرى vi سەزىنە قاتىسۋشىلار استاناداعى تاۋەلسىزدىك سارايى جانىندا ورنالاسقان «بەيبىتشىلىك قابىرعاسى» مونۋمەنتىنىڭ قاسىندا دۇعا جاساۋ ٴراسىمىن وتكىزدى، دەپ حابارلايدى baq.kz اقپارات اگەنتتىگى.

حالىقارالىق مادەنيەتتەر مەن دىندەر ورتالىعىنىڭ ديرەكتورى ايدار ٴابۋوۆ مەيماندارعا ارناعان سوزىندە حالىقارالىق يادرولىق سىناقتارعا قارسى ٴىس-قيمىل كۇنى اشىلعان «بەيبىتشىلىك قابىرعاسى» قازاقستاننىڭ يادرولىق پوليگوندى جاپقانىن عانا ەمەس، ٴتورتىنشى يادرولىق الەۋەتتەن باس تارتقانىن ايعاقتايتىنىن ەسكە سالدى. مونۋمەنت تاريحتاعى قايعىلى وقيعالاردىڭ زارداپتارىن ۇمىتپاي، جەر جۇزىندەگى بەيبىتشىلىك پەن ىنتىماقتى قاستەرلەۋگە ۇندەيدى.

پرەزيدەنت نۇرسۇلتان نازاربايەۆتىڭ يادرولىق قارۋعا قارسى «الەم. ٴححى عاسىر» مانيفەسىنىڭ يدەياسى جوبانىڭ نەگىزىنە اينالعان بولاتىن. مانيفەستىڭ يدەيالىق مازمۇنى الەمدىك جانە ٴداستۇرلى دىندەر ليدەرلەرى سەزىنىڭ سەكسيالىق العاشقى وتىرىسىنىڭ نەگىزگى تاقىرىبى بولىپ تابىلادى.

جينالعاندارعا ارناپ قازاقستان مۇسىلماندارى ٴدىني باسقارماسىنىڭ باسشىسى سەرىكباي قاجى وراز دا ٴسوز سويلەدى.
مۇسىلمان، ٴبىرقاتار حريستيان كونفەسسيالارىنىڭ، بۋدديزم، داوسيزم، زورواستريزم جانە باسقا دا ٴدىني نانىمداردىڭ وكىلدەرى بار ٴدىني ليدەرلەر سەزىنىڭ دەلەگاتتارى جەر جۇزىندەگى بەيبىتشىلىك ٴۇشىن ٴمىناجات ەتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي