BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

دەنيس تەن تۇرعان ۇيگە مەموريالدىق تاقتا قويىلدى

فوتو: Автор

الماتى، baq.kz ٴتىلشىسى. الماتىدا سپورتشى، وليمپيادا ويىندارىنىڭ جۇلدەگەرى دەنيس تەن تۋىپ، وسكەن ٴۇيىنىڭ ماڭدايشاسىنا مەموريالدىق تاقتا قويىلدى.

سالتاناتتى جيىنعا دەنيستىڭ باپكەرى بولعان ٴارى كسرو-نىڭ ەڭبەك سىڭىرگەن جاتتىقتىرۋشىسى تاتيانا تاراسوۆا، سپورتشىلار مەن قوعام قايراتكەرلەرى كەلدى.

كوزىنە جاس الىپ، سپورتشىنى ەسكە العان جاتتىقتىرۋشى دەنيستىڭ تەك قازاقستاندا تۇرىپ، وسى ەلدىڭ اتاعىن شىعارعىسى كەلگەنىن جەتكىزدى.

«دەنيستىڭ ونەرىن تاماشالاعان ميلليونداعان حالىق كارتادان قازاقستاندى ىزدەدى. ويتكەنى ەكىنىڭ ٴبىرى ول ەلدىڭ قايدا ەكەنىن بىلە بەرمەيدى. دەنيس ارقىلى كوپشىلىگى بۇل ەل جايىندا ٴبىلدى جانە بۇل شىندىق. دەنيس ٴوز ەلىنىڭ داڭقتى ۇلى. ماعان ونىمەن جۇمىس ىستەۋ باقىتى بۇيىردى. مەن كوپ شاكىرت تاربيەلەدىم، الايدا دەنيستىڭ ورنى ەرەكشە. ول ٴوز ماماندىعىنا جان-تانىمەن بەرىلگەن ادام»، - دەيدى رەسەيلىك جاتتىقتىرۋشى.

سونداي-اق رەسەيدەن كەلگەن مانەرلەپ سىرعاناۋشى ەلەنا راديونوۆا دا دەنيس جايلى ەستەلىگىمەن ٴبولىستى.

«ول وتە ينتەلەكتۋال ادام ەدى. ونىڭ قىزىقتى اڭگىمەسىن ۇنەمى تىڭداي بەرگىم كەلەتىن. ونىڭ جارقىن بەينەسى ٴبىزدىڭ ەسىمىزدە ماڭگى قالادى»، - دەيدى ول.

جيىن بارىسىنادا ٴسوز سويلەگەن الماتى قالاسى اكىمىنىڭ ورىنباسارى ارمان قىرىقبايەۆ الداعى ۋاقىتتا قالادا سپورتشىعا ارنالعان ەسكەرتكىشتىڭ بويكوتەرەتىنىن جەتكىزدى.

«دەنيستىڭ ەلىمىز بەن سپورت ٴۇشىن اتقارعان ەڭبەگى وراسان. ونى ەستە ساقتاۋ ٴۇشىن ٴتۇرلى شارالار وتكىزەمىز. دەنيس اتىندا قور اشىلادى، ونىڭ ٴوفيسى «حالىق ارەنا» سپورت كەشەنىندە بولادى»، - دەيدى اكىمنىڭ ورىنباسارى.

ەستەرىڭىزدە بولسا، بۇعان دەيىن مەموريالدىق تاقتا اشىلاتىنى تۋرالى جازعان بولاتىنبىز.

فوتو: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي