USD 334.31 EUR 355.17 RUB 5.31
استانا:

داۋرەن ابايەۆ «ازاماتتارعا ارنالعان ۇكىمەت» قىزمەتكەرلەرىن ماراپاتتادى

بۇگىن قازاقستان رەسپۋبليكاسىنىڭ اقپارات جانە كوممۋنيكاسيالار ٴمينيسترى داۋرەن ابايەۆ «ازاماتتارعا ارنالعان ۇكىمەت» مەملەكەتتىك كورپوراسياسى» كوممەرسيالىق ەمەس اكسيونەرلىك قوعامىن قۇرۋعا ەلەۋلى ۇلەس قوسقان مەملەكەتتىك قىزمەتشiلەردى ماراپاتتاۋ شاراسىنا قاتىستى، دەپ حابارلايدى ۆەدومستۆو ٴباسپاسوز قىزمەتى.

مينيستر اتاپ وتكەندەي، بۇل سالتاناتتى شارا ۆەدومستۆونىڭ وسى جىلعى جۇمىسىنىڭ ارقاۋى بولعان - تاۋەلسىزدىكتىڭ 25 جىلدىعى قارساڭىندا وتكىزىلۋدە.

«تاۋەلسىزدىك - حالقىمىزدىڭ ەڭ اسىل قۇندىلىعى. ونى نىعايتۋ - ەلباسىنىڭ مەملەكەتتىك باعدارىنىڭ نەگىزى. وسى باعداردىڭ ەڭ ماڭىزدى سالالارىنىڭ ٴبىرى - ازاماتتارعا قىزمەت ەتەتىن مەملەكەتتى قۇرۋ. وسى مىندەتتى جۇزەگە اسىرۋدا «ازاماتتارعا ارنالعان ۇكىمەت» ايرىقشا ٴرول اتقارادى»، - دەدى داۋرەن ابايەۆ.

«ازاماتتارعا ارنالعان ۇكىمەت» مەملەكەتتىك كورپوراسياسى «100 ناقتى قادام» ۇلت جوسپارىنا سايكەس قۇرىلعان بولاتىن. ول اعىمداعى جىلعى 7 ساۋىردەن باستاپ ىسكە قوسىلدى. مەمكورپوراسيا قۇرامىنا «جەر كاداسترىنىڭ عىلىمي-وندىرىستىك ورتالىعى»، «جىلجىمايتىن مۇلىك ورتالىعى»، «زەينەتاقى تولەۋ جونىندەگى مەملەكەتتىك ورتالىق» جانە «حالىققا قىزمەت كورسەتۋ ورتالىعى» كىردى. قازىرگى ۋاقىتتا جالپى مەمقىزمەتتىڭ تىزبەسىندە بولعان 739 قىزمەت ٴتۇرىنىڭ 530-ىن ازاماتتار مەمكورپوراسيا ارقىلى الا الادى. وسى جىلدىڭ مامىر ايىندا وتكەن ۆەدومستۆوارالىق كوميسسيا وتىرىسىنىڭ حاتتاماسى بويىنشا تاعى 53 مەمقىزمەت مەمكورپوراسياعا بەرىلەدى.

inform.kz

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي