BAQ.kz - Қазақстан жаңалықтары USD 359 BAQ.kz - Қазақстан жаңалықтары EUR 420.1 BAQ.kz - Қазақстан жаңалықтары RUB 5.41
استانا:

استانادا دارىگەر قاتەلىكتەرىنە ارنالعان حالىقارالىق سەمينار ٴوتىپ جاتىر

استانا قالاسىنداعى ۇلتتىق عىلىمي مەديسينالىق ورتالىقتا «قر-داعى مەديسينالىق قۇقىق. دارىگەرلىك قاتەلىكتەر مەن جاۋاپكەرشىلىك: حالىقارالىق تاجىريبە» اتتى حالىقارالىق سەميناردىڭ 1-كۇنى ٴوتتى. وعان پروفەسسور، زاڭگەر، دۇنيەجۇزىلىك مەديسينالىق قۇقىق قاۋىمداستىعىنىڭ ۆيسە-پرەزيدەنتى ۆۋگار مامەدوۆ قاتىستى، دەپ حابارلايدى ۆaq.kz اقپاراتتىق اگەنتتىگى.

دارىس-كەڭەس رەسپۋبليكالىق دەنساۋلىق ساقتاۋ سەكتورىنداعى تاۋەلسىز ساراپتاما وداعىنىڭ، استانا قالاسىنىڭ تاۋەلسىز مەديسينالىق ساراپشىلارى قاۋىمداستىعىنىڭ جانە «كەلىسىم» حالىقارالىق مەدياسيا جانە قۇقىق ورتالىعىنىڭ ۇيىمداستىرۋىمەن بولدى.

«بۇل سەمينار دارىگەرلىك قاتەلىككە بايلانىستى ماسەلەنىڭ جاڭا قىرلارىن اشۋعا مۇمكىندىك بەرەدى»، - دەيدى قازاقستان رەسپۋبليكاسىنىڭ دەنساۋلىق ساقتاۋ ۆيسە-مينيسترى ٴلاززات اقتايەۆا.

سەمينار بارىسىندا مەديسينالىق كادرلاردى دايىنداۋداعى ٴبىلىم بەرۋدىڭ ادەپ-قۇقىقتىق كومپونەنتىن كۇشەيتۋدىڭ حالىقارالىق-قۇقىقتىق نەگىزدەرى مەن پاسيەنتتەردىڭ قۇقىعى تۋرالى ماسەلەلەر تالقىلاندى.

ايتا كەتەرلىگى، ەرتەڭ دارىس-كەڭەستىڭ 2-كۇنى وتەدى. وندا دارىگەرلىك قاتەلىكتەر، مەديسينالىق قىزمەتكەرلەردىڭ نەگىزگى قۇقىق بۇزۋشىلىقتارى، زاڭدى جاۋاپكەرشىلىك تۇرلەرى جانە دەنساۋلىق ساقتاۋداعى سىبايلاس جەمقورلىق سياقتى تاقىرىپتار قاراستىرىلادى.

جانسايا قامبار


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي