BAQ.kz - Қазақстан жаңалықтары USD 372.49 BAQ.kz - Қазақстан жаңалықтары EUR 424.15 BAQ.kz - Қазақстан жаңалықтары RUB 5.54
استانا:

داريعا نازاربايەۆا: جۋرناليست – مەملەكەت پەن قوعام اراسىنداعى مودەراتور

قر تۇڭعىش پرەزيدەنتى قورىنىڭ ديرەكتورى، پارلامەنت سەناتىنىڭ دەپۋتاتى داريعا نازاربايەۆا jas qalam فورۋمىندا جۋرناليستەر قانداي بولۋى قاجەت ەكەنىن ايتتى، دەپ حابارلايدى baq.kz ٴتىلشىسى.

ونىڭ ايتۋىنشا، قازىرگى تاڭدا جۋرناليستەر الدىندا تۇرعان ۇلكەن سىن-تەگەۋرىن – مەملەكەت پەن قوعام اراسىنداعى مودەراتور نە مەدياتور بولۋ.

«جۋرناليستەر شەنەۋنىكتەردىڭ تۇسىنىكسىز ٴتىلىن كەڭ اۋديتورياعا جەتكىزە ٴبىلۋى ٴتيىس. ەگەر قازاقستانداعى دەنساۋلىق ساقتاۋ باعدارلاماسى تۋرالى بولسا، ونىڭ ٴار ادام ٴۇشىن ماڭىزىن، ەگەر ٴبىلىم بەرۋ مەملەكەتتىك باعدارلاماسى تۋرالى بولسا ٴار اتا-اناعا، ٴار مۇعالىمگە ولاردان قوعام نە كۇتەتىنىن، باعدارلامانىڭ ماقساتى مەن قارجى قايدا باعىتتالعان جانە قالاي جۇمسالىپ جاتقانىن تۇسىندىرە ٴبىلۋى كەرەك. ەلەكتروندى ۇكىمەت بار، بارلىق مەملەكەتتىك ورگانداردىڭ ينتەرنەت-رەسۋرستارى بار. ولار ٴوز رەسۋرستارىندا اتقارعان قىزمەتى، بيۋدجەتى، شىعىندارى تۋرالى اقپارات جاريالايدى. وسى اقپاراتتى پايدالانا ٴبىلۋ ۇلكەن مىندەتتەرىڭىز بولىپ وتىر. پارلامەنتتە بۇگىن نە بولىپ جاتىر، قانداي زاڭ قابىلداپ جاتىر جانە ول كىمگە قاجەت، زاڭدى حالىقتىڭ قاي بولىگىنە قاتىستى قابىلداپ جاتىر، حالىقتىڭ تۇرمىسىن قيىنداتا ما الدە جەڭىلدەتە مە وسىنى تۇسىندىرە ٴبىلۋ كەرەك. وسى سۇراقتاردى الدارىڭىزعا قوياتىن بولساڭىزدار بيىكتەپ، قاجەتتى مامانعا اينالاسىزدار»، - دەپ سەندىردى سەناتور.

نازاربايەۆا جاس جۋرناليستەرگە ٴار سالانىڭ تەرەڭىنە دەيىن قازبالاپ، جەتىك بىلۋگە كەڭەس بەردى.

«بارشاڭىزعا تابىس، شابىت تىلەيمىن. جۋرناليستىك جۇمىس سىزدەرگە شابىت بەرسە ٴارى قاراي زەرتتەۋشى بولاسىزدار. ٴبىر سالانىڭ تەرەڭ تۇبىنە دەيىن جەتۋگە، بارلىق نارسە تۋرالى كىشكەنە بولسىن بىلۋگە تىرىسىڭىزدار. بۇل – كاسىبيلىك كورسەتكىشى. سول سەبەپتى ەكونوميكاعا قىزىعىپ، قارجى سەكتورىندا، بانك جۇيەسىندە نە بولىپ جاتقانىن ٴتۇسىنىپ، وسى عىلىمداردى سوڭىنا دەيىن قازبالاڭىزدار. دەنساۋلىق ساقتاۋ، ٴبىلىم بەرۋ، مادەنيەت، سپورت سالاسىندا وسى تاقىرىپتاردىڭ نەگىزىن الىپ، تەرەڭىنە بويلاڭىزدار. ەگەر بۇل قولدارىڭىزدان كەلسە بۇگىندە ٴار مينيسترلىك پەن اكىمدىكتە نە بولىپ جاتقانىن، مەملەكەتتىك باعدارلامالار مەن پرەزيدەنتتىڭ حالىققا جولداۋىن كاسىبي تۇردە تۇسىنە الاسىزدار. كاسىبي بولىڭىزدار. تاقىرىپتى بارىنەن دە جاقسى ٴبىلىپ، تالقىلاپ، سوعان ساي اۋديتوريالارىڭىز بەن وقىرماندارىڭىزدىڭ، تىڭدارماندارىڭىزدىڭ زور سەنىمىنە كىرۋ، بۇل قيىن ەمەس سياقتى، ٴبىراق وتە-وتە قيىن»، - دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي