BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

داريعا نازاربايەۆا جاس جۋرناليستەرگە كەڭەس بەردى

قر تۇڭعىش پرەزيدەنتى قورىنىڭ ديرەكتورى، پارلامەنت سەناتىنىڭ دەپۋتاتى داريعا نازاربايەۆا قازاقستاندىق جۋرناليستكيانى دامىتۋعا، جاس جۋرناليستەردىڭ كاسىبي بىلىكتىلىگىن ارتتىرۋعا باعىتتالعان jas qalam فورۋمىن اشتى، دەپ حابارلايدى baq.kz ٴتىلشىسى.

«جىل سايىن قر تۇڭعىش پرەزيدەنتى ەلباسىنىڭ قورى مەن قازاقستان جاستار كونگرەسى قوعام ٴۇشىن ماڭىزدى جوبالاردى جۇزەگە اسىرىپ كەلەدى. سولاردىڭ قاتارىندا بۇگىنگى زاماندا وزەكتى ماسەلەلەردى ايقىندايتىن – «جاس قالام» جوباسى. بۇل جوبانىڭ ماڭىزدىلىعى ساپالى جانە شىنايى اقپاراتتاردى انىقتاۋعا، ەلىمىزدىڭ جاس ماماندارىنىڭ تۇراقتى قىزمەتتە الەۋەتىن دامىتۋعا ارنالعان. قازىرگى تاڭدا جۋرناليستيكانىڭ جاڭا ترەندتەرى وتە كوپ جانە وسى جاڭالىقتاردى جاستارعا ەلىمىزدىڭ تەك كاسىبي، جوعارى ساناتتى ەڭ ۇزدىك جۋرناليستەرى عانا جەتكىزە الادى. سوندىقتان «جاس قالام» جوو-دا الىناتىن بىلىمگە قوسا جۋرناليستيكا سالاسىن ٴىس جۇزىندە دامىتىپ جاتقان شەبەرلەردىڭ تاجىريبەسىنەن ۇلگى الۋعا مول مۇمكىندىك بەرەدى»، - دەدى ول.

ول قازىرگى تاڭدا جۋرناليستيكا كوپ قىزىعۋشىلىق تانىتاتىن ماماندىقتاردىڭ ٴبىرى جانە ماڭىزدى جاڭالىقتاردى ٴبىلىپ قانا قويماي، قانداي دا ٴبىر ماسەلەنى ورتاعا سالىپ سۇحباتتاۋ، تالقىلاۋ جانە ساراپتاما جۇرگىزۋ ارقىلى ونى حالىققا جەتكىزۋ وسى ماماندىقتىڭ ەرەكشەلىگى بولىپ وتىرعانىن اتاپ ٴوتتى.

«جاس قالام» بۇل قاتىسۋشىلارعا ەلىمىزدەگى قوعامدىق، ساياسي، ەكونوميكالىق وقيعالار، دەرەكتەردىڭ شىنايىلىعىن تەكسەرۋ، جاعىمسىز كونتەنتپەن جۇمىس ىستەۋ، قازىگى زامانعى اقپاراتتىق تەحنولوگيالاردى قولدانۋ تۋرالى اقپارات تاراتۋعا، جاس جۋرناليستەردىڭ ٴرولى، ماسس-مەدياداعى وزگەرىستەر تۋرالى جۋرناليستىك قىزمەتتە تاجىريبە جيناۋعا مۇمكىندىك بەرەدى. قازىرگى تاڭدا ادامداردىڭ ٴومىرىن بۇقارالىق اقپارات قۇرالدارىنسىز، جۋرناليستەرسىز ەلەستەتۋ قيىن. سىزدەر تاڭنان كەشكە دەيىن ٴار ادامنىڭ ومىرىنە بويلايسىزدار. مۇنى بايقاماساڭىزدار دا جۇمىستارىڭىزدى جاساي بەرەسىزدەر. جۋرناليست بولۋ دەگەنىمىز ول – ٴوز ۋاقىتىڭنىڭ ۇياتى بولۋ، كوپ نارسە كورۋ، تىڭداۋ، ٴبىلۋ، ٴتۇسىنۋ جانە ونى تۇسىندىرە ٴبىلۋ. قازىرگى زامانداعى كۇردەلى جاڭالىقتاردى، وقيعالاردى اۋديتورياعا وتە قاراپايىم، قولجەتىمدى تىلدە تۇسىندىرە، جەتكىزە ٴبىلۋ ٴتيىس. ٴبىزدىڭ «جاس قالام» باعدارلاماسى اياسىندا وقىتۋدان ٴوتىپ، تانىمال جۋرناليستەرمەن جولىعۋ ارقىلى كوپ نارسە ۇيرەنىپ، العان بىلىمدەرىڭىزدى كۇندەلىكتى قىزمەتتە قولدانۋ مۇمكىن بولماق»، - دەدى داريعا نازاربايەۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي