BAQ.kz - Қазақстан жаңалықтары USD 326.17 BAQ.kz - Қазақстан жаңалықтары EUR 401.25 BAQ.kz - Қазақстан жаңалықтары RUB 5.31
استانا:

دانيال احمەتوۆ 18 جاستاعى جىگىتتى قاعىپ كەتكەن ريددەر اكىمىنىڭ ورىنباسارى تۋرالى پىكىر ٴبىلدىردى

بۇگىنگى ۇكىمەت وتىرىسىنان كەيىن كۋلۋاردا شقو اكىمى ماس كۇيدە كولىك جۇرگىزىپ جاياۋ جۇرگىنشىنى قاعىپ ولتىرگەن ريددەر قالاسى اكىمىنىڭ ورىنباسارى تۋرالى پىكىر ٴبىلدىردى، دەپ حابارلايدى baq.kz ٴتىلشىسى.

«ريددەر قالاسى اكىمىنىڭ ورىنباسارىنا قاتىستى جايت وتە وكىنىشتى. ول كەشە تۇتقىندالدى. بۇگىن قۇقىق قورعاۋ ورگاندارى قاجەتتى شارالاردى جۇرگىزىپ جاتىر. بالانىڭ اتا-اناسىنا قايعىرىپ كوڭىل ايتامىز. جاقىن ارادا سوت تەرگەۋى جۇمىستارى اياقتالادى دەپ ويلايمىن. ٴبىز مۇنى قۇپيادا ۇستاۋدى ٴجون كورمەدىك، مەنىڭ تاپسىرماممەن ٴىس اشىق جۇرگىزىلىپ جاتىر. تەرگەۋ اياقتالعان سوڭ قورىتىندىسىن بىلەتىن بولاسىزدار»، - دەدى احمەتوۆ.

ەسكە سالا كەتسەك، 15 ٴساۋىر كۇنى bmw ح5 ماركالى كولىكتى ايداپ كەلە جاتقان ريددەر قالاسى اكىمىنىڭ ورىنباسارى جاياۋ جۇرگىنشىلەرگە ارنالعان جولدان ٴوتىپ بارا جاتقان ادامدى قاعىپ ٴولتىردى. وبلىس اكىمىنىڭ تاپسىرماسىمەن جول-كولىك وقيعاسىنا قاتىستى تەرگەۋ امالدارىن شقو ٴىىد باستىعى باقىلاۋعا العان.

وقيعا ايدارحانوۆ كوشەسى بويىندا كەشكى ساعات توعىز شاماسىندا بولعان. bmw ح5 كولىگى ىلەسپە باعىتتاعى جول جيەگىندە جاياۋ جۇرگىنشىنى قاعىپ كەتكەن. سونىڭ سالدارىنان 1999 جىلى تۋعان ازامات جەدەل جاردەم قىزمەتى كەلگەنشە قازا تاپتى.

انىقتاۋ بارىسىندا bmw ح5 كولىگىنىڭ 45 جاستاعى جۇرگىزۋشىسى ماس كۇيدە بولعانى جانە ريددەر قالاسى اكىمىنىڭ ورىنباسارى ەكەنى انىقتالدى. ول تۇتقىندالىپ، ۋاقىتشا يزولياتورعا قامالدى.

ريددەر قالاسىنىڭ ىشكى ىستەر ورگاندارى قر قك-نىڭ 345-بابى، ٴ3-بولىمى بويىنشا سوتقا دەيىنگى تەرگەۋ امالدارىن جۇرگىزىپ جاتىر. ريددەردە وتكەن بريفينگتە شقو ٴباسپاسوز اپپاراتىنىڭ باسشىسى رينات وماروۆ ايماق باسشىلىعى اتىنان قازا بولعان جىگىتتىڭ جاقىندارىنا كوڭىل ايتتى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي