BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

دانيال احمەتوۆ سەمەي اۋەجايىن "اباي جولى" دەپ اتاۋعا قاتىستى پىكىر ٴبىلدىردى

استانا، baq.kz. شىعىس قازاقستان وبلىسىنىڭ اكىمى دانيال احمەتوۆ استانادا وتكەن ەسەپ بەرۋ جيىنىندا سەمەي اۋەجايىن "اباي جولى" دەپ اتاۋ تۋرالى ۇسىنىسقا پىكىر ٴبىلدىردى.

"دۇرىس يدەيا. سەمەي اۋەجايىنىڭ اتاۋىن وزگەرتۋدى حالىقپەن اقىلداسايىق، قاراپ كورەيىك. ٴبىراق، سەمەيدە «اباي ارەنا» ستاديونى سالىنىپ جاتىر. ول شاكارىم، الدە مۇحتار اۋەزوۆ بولۋى مۇمكىن" - دەدى ٴوڭىر باسشىسى.

سونىمەن قاتار ول شىعىس قازاقستاندا 314 كوشەنىڭ اتاۋى اۋىستىرىلعانىنا توقتالدى.

"مىسالى، وسكەمەندە كارل ماركس داڭعىلى ٴقازىر قازىبەك بي بولدى. وردجونيكيدزە – ساعادات نۇرماعامبەتوۆ، گولوۆكوۆ – بەيبىتشىلىك، سەمەيدەگى لەنين كوشەسى – ماڭگىلىك ەل بولدى. وسى ٴىستى اسىقپاي، ويلانىپ جۇزەگە اسىرامىز. زىريان اۋدانى التاي اۋدانى بولىپ وزگەرتىلدى. زىريان قالاسى التاي قالاسى اتاندى. سونداعى حالىقتىڭ 100 پايىزى وسى وزگەرتۋدى قابىلدادى. ماسەلە ۇلتتا ەمەس، ماسەلە ەلدىڭ ساياساتىندا. وردجونيكيدزە، گولوششەكين، كيروۆ سەكىلدى اتاۋلار مىندەتتى تۇردە وزگەرتىلگەنى دۇرىس. كيروۆ ماسەلەن «ۇشتىكتىڭ» قاتىسۋشىسى بولدى، ونىڭ تاپسىرماسىمەن مىڭداعان ادام اتىلعان. سوندىقتان، بۇل جەردە ٴسوز جوق، وزگەرتەمىز. ٴبىراق، بۇل رەتتە ٴوزىمىزدىڭ حالىقتىڭ پىكىرىن ەسەپكە الا وتىرىپ، زاڭ بويىنشا وسى جۇمىستى جۇرگىزەتىن بولامىز. سوسىن مىسالى دميتريي مەندەلەەۆ، سەرگەي كورولەۆ اتىنداعى كوشەلەردى وزگەرتۋ كەرەك پە؟ پروسەس ٴجۇرىپ جاتىر" - دەدى دانيال احمەتوۆ.

ەستەرىڭىزگە سالا كەتەيىك، بۇعان دەيىن سەمەيدەگى اۋەجايدى "اباي جول" دەپ اتاۋ تۋرالى ۇسىنىس جاسالعانىن جازعان بولاتىنبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي