BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

«copeam» قاۋىمداستىعى «spirit of tengri» جوباسىنا قىزىعۋشىلىق تانىتتى 

فوتو: Нұржас Жақсыбай

«spirit of tengri» حالىقارالىق جوباسىمەن ارىپتەستىك ورناتۋ وتە قىزىقتى بولار ەدى. بۇل جونىندە ازيا-تىنىق مۇحيتتىق حابار تاراتۋ وداعىنىڭ ۇيىمداستىرۋىمەن استانادا ٴوتىپ جاتقان «media-2020» كونفەرەنسياسى اياسىندا «copeam» كومپانياسىنىڭ باس حاتشىسى كلاۋديو كاپپون مالىمدەدى، دەپ حابارلايدى baq.kz ٴتىلشىسى.

«ٴبىز ديالوگ تۋرالى ٴسوز ايتقان كەزدە جەرورتا تەڭىزىن مىسال ەتۋگە بولادى. سەبەبى، جەرورتا تەڭىزى ٴارتۇرلى مادەنيەتتەردىڭ بەسىگى بولىپ تابىلادى. بۇل جاعداي كەيدە ٴالسىز تۇس رەتىندە دە قاراستىرىلادى. سەبەبى، جاڭا مىڭجىلدىقتا وركەنيەتتىڭ دامىعانىنا قاراماستان، بىزدەر كەيدە داۋلاسامىز، كەيدە تاتۋ بولامىز، ٴبىراق، ٴارۋاقىتتا ٴوزارا قارىم-قاتىناستامىز. ٴبىز الۋان ٴتۇرلى كوپ مادەنيەتتى ورتا قۇرا الدىق. سوندىقتان، بۇل الۋان تۇرلىلىكتى قالاي بايلىق پەن جەتىستىككە اينالدىرۋعا بولاتىنى جونىندە ۇلگى بولا الامىز»، - دەدى كلاۋديو كاپپون.

باس حاتشى سورەام قاۋىمداستىعىنىڭ جۇمىسىنا توقتالىپ، الداعى ايلاردا الجيردە جۇمىس جۇرگىزەتىنىن اتاپ ٴوتتى. الجيرلىك 12 جۋرناليست كومپانيا اياسىندا وتكىزىلەتىن ترەنينگتەر مەن سەمينارلارعا قاتىسىپ، ٴوز بىلىكتىلىكتەرىن شىڭدايتىن بولادى.

«تەلەۆيدەنيەگە قاتىستى جۇمىستارعا توقتالاتىن بولساق، ازيا-تىنىق مۇحيتتىق حابار تاراتۋ وداعىمەن بىرلەسىپ، ارنايى سۇحباتتار ۇيىمداستىرامىز. سۇحبات تاقىرىبى ورتاق وزەكتى ماسەلەلەرگە ارنالادى. سونىمەن قاتار، ساياحات پەن مادەنيەت، سپورت جايلى باعدارلامالار ازىرلەيمىز. سونداي-اق، ٴبىزدىڭ جەتەكشىلىگىمىزدەگى 3 اپتالىق راديوجۋرنال بار. ٴبىز فولكلوردى تانىمال مۋزىكاعا اينالدىرۋعا تىرىسپايمىز. ٴبىراق، زاماناۋي مۋزىكاداعى ۇقساستىقتاردى تابۋعا كۇش سالامىز»، - دەگەن ول «spirit of tengri» حالىقارالىق جوباسىمەن ارىپتەستىك ورناتۋعا قىزىعۋشىلىق تانىتتى.

ەسكە سالا كەتسەك، استانادا «media-2020» كونفەرەنسياسى وتۋدە. اتالعان كونفەرەنسيا شىلدەنىڭ 10-12 ارالىعىندا ەلوردادا العاش رەت ازيا-تىنىق مۇحيتى حابار تاراتۋ وداعىمەن (abu) بىرلەسىپ ۇيىمداستىرىلعان اۋقىمدى شارالار اياسىندا جۇزەگە اسىرىلۋدا. ايتا كەتۋ كەرەك، ازيا-تىنىق مۇحيتى حابار تاراتۋ وداعى كوممەرسيالىق ەمەس ٴىرى كاسىبي قاۋىمداستىق جانە ول 69 ەلدەگى 292 حابار تاراتۋ ۇيىمىنىڭ باسىن بىرىكتىرىپ وتىر. ونىڭ الەۋەتتى اۋديتورياسى شامامەن 3 ملرد ادامدى قۇرايدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي