BAQ.kz - Қазақстан жаңалықтары USD 363.26 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.54
استانا:

بجزق موبيلدىك كەڭسەسى 3 اي ىشىندە 75 رەت ساپارعا شىققان

فوتو: 24kz

زەينەتاقىمەن قامسىزداندىرۋ قازاقستان رەسپۋبليكاسىندا تۇراتىن بارلىق ازاماتتارعا، شەتەلدىكتەر مەن ازاماتتىعى جوق ادامدارعا، ولاردىڭ ىشىندە شالعايدا ورنالاسقان كىشىگىرىم ەلدىمەكەندەردىڭ تۇرعىندارىنا دا قاتىستى. سوندىقتان بجزق ٴاربىر ازاماتقا زەينەتاقى قىزمەتتەرىنىڭ قولجەتىمدىلىگىن قامتاماسىز ەتۋگە كۇش سالىپ كەلەدى، دەپ حابارلايدى baq.kz ٴتىلشىسى «بجزق» اق ٴباسپاسوز ورتالىعىنا سىلتەمە جاساپ.

«قور 2015 جىلدان بەرى سالىمشىلار مەن الۋشىلارعا كوشپەلى قىزمەت كورسەتىپ كەلەدى. ەگەر سالىمشى نەمەسە الۋشى قانداي دا ٴبىر سەبەپپەن، ٴبىرىنشى كەزەكتە دەنساۋلىعىنا بايلانىستى قور كەڭسەسىنە كەلە المايتىن بولسا، قور قىزمەتكەرلەرى وعان وزدەرى بارىپ قىزمەت كورسەتەدى. 2018 جىلدىڭ العاشقى جارتىسىندا وسى جوبا اياسىندا 3،9 مىڭ كوشپەلى شارا ۇيىمداستىرىلىپ، 93،4 مىڭ وپەراسيا جۇزەگە اسىرىلدى»، - دەلىنگەن حابارلامادا.

شالعايدا ورنالاسقان ەلدىمەكەندەردە، سونداي-اق قور بولىمشەلەرى جوق اۋدانداردا زەينەتاقى قىزمەتتەرىنىڭ قولجەتىمدىلىگىن قامتاماسىز ەتۋ ماقساتىندا 2018 جىلدىڭ ەكىنشى توقسانىندا «موبيلدىك كەڭسە» جوباسى ىسكە قوسىلعان. ول بارلىق قاجەتتى تەحنيكالارمەن جانە جەرسەرىكتىك بايلانىس قۇرالىمەن جابدىقتالعان. 2018 جىلدىڭ 16 ٴساۋىرى مەن 30 ماۋسىمى ارالىعىندا، ياعني ٴۇش اي ىشىندە «موبيلدىك كەڭسە» 75 رەت جولعا شىققان جانە «موبيلدىك كەڭسەنىڭ» جولعا شىعۋى ارنايى ازىرلەنگەن جوسپار جانە كەستە بويىنشا جۇزەگە اسىرىلادى ەكەن. جول ٴجۇرۋ باعىتى جەرگىلىكتى اكىمدىكتەرمەن الدىن-الا كەلىسىلەدى جانە سالىمشىلار مەن الۋشىلارعا دا الدىن الا حابار بەرىلەدى.

«وسى ساپارلار بارىسىندا قور قىزمەتكەرلەرى 5،1 مىڭنان استام ادامعا قىزمەت كورسەتىپ، سولار ٴۇشىن 6،3 مىڭنان استام وپەراسيانى ورىندادى. نەگىزگى كورسەتىلگەن قىزمەتتەردى اتاپ ايتار بولساق، ولار: شارتتىڭ جاڭا رەداكسياداعى كوشىرمە نۇسقاسىن الۋ، زەينەتاقى شوتىنان ۇزىندى-كوشىرمە بەرۋ، سالىمشىلاردان دەرەكتەمەلەردى وزگەرتۋ/تولىقتىرۋ جونىندە ٴوتىنىش قابىلداۋ قىزمەتتەرى. سونىمەن قاتار كوشپەلى قىزمەت كورسەتۋ بارىسىندا 2،3 مىڭنان استام جەرگىلىكتى تۇرعىنعا اقىل-كەڭەس بەرىلدى»، - دەلىنگەن حابارلامادا.

ەسكە سالامىز، بۇگىندە «موبيلدىك كەڭسە» جوباسى الماتى، اتىراۋ جانە قوستاناي وبلىسىندا جۇزەگە اسىرىلىپ جاتىر. قازىرگى ۋاقىتتا «موبيلدىك كەڭسە» جوباسىن اعىمداعى جىلى شىعىس قازاقستان، باتىس قازاقستان جانە وڭتۇستىك قازاقستان وبلىستارىندا ىسكە قوسۋ بويىنشا ۇيىمداستىرۋ جۇمىستارى جۇرگىزىلىپ جاتىر. 2019 جىلى جوبانى قوردىڭ قاراعاندى، قىزىلوردا، اقتوبە، اقمولا، جامبىل، پاۆلودار جانە سولتۇستىك قازاقستان وبلىستىق فيليالدارىندا جۇزەگە اسىرۋ جوسپارلانۋدا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي