BAQ.kz - Қазақстан жаңалықтары USD 364.35 BAQ.kz - Қазақстан жаңалықтары EUR 419.95 BAQ.kz - Қазақстан жаңалықтары RUB 5.56
استانا:

بۋرابايدا جاس عالىمداردىڭ فورۋمى ٴوتتى

استانا قالاسى مەن بۋراباي دەمالىس ايماعىندا جاس عالىمداردىڭ قاتىسۋىمەن burabay forum: قازاقستاننىڭ حالىقارالىق ىنتىماقتاستىعى اتتى حالىقارالىق فورۋمى ٴوتتى، دەپ حابارلايدى baq.kz ٴتىلشىسى.

فورۋمدى قر تۇڭعىش پرەزيدەنتى – ەلباسىنىڭ قورى ۇيىمداستىردى.

burabay forum – جاس عالىمداردىڭ عىلىم جانە ٴبىلىم سالاسىنداعى ترانسشەكارالىق ىنتىماقتاستىعى ماسەلەلەرىن تالقىلايتىن حالىقارالىق فورۋم. مۇندا وتاندىق جانە شەتەلدىك عالىمدار اراسىندا تاجىريبە الماسۋ، وتاندىق جوعارى وقۋ ورىندارى مەن جاقىن شەتەلدەر اراسىنداعى بايلانىستاردى نىعايتۋ، بىرلەسكەن عىلىمي زەرتتەۋلەردى جۇرگىزۋ ماسەلەلەرى قارالدى.

بيىلعى فورۋم بىرنەشە زامانۋي عىلىمي باعىتتاردى قامتىدى. زەرتتەۋشىلەر ٴۇش كۇن بويى تمد ەلدەرىنىڭ ٴححى عاسىرداعى عىلىمى مەن، مادەنيەتىن، ٴتۋريزمى سالاسىنداعى ماسەلەلەردى تالقىعا سالدى.

استانادا وتكەن فورۋمنىڭ اشىلۋ سالتاناتىندا قر تۇڭعىش پرەزيدەنتى – ەلباسى قورىنىڭ اتقارۋشى ديرەكتورى قانات جۇمابايەۆ اتالعان شارا جاس عالىمدارعا جاڭا مۇمكىندىك بەرەتىنىن اتاپ ٴوتتى.

«بيىل فورۋم ساپالى دەڭگەيدە ٴوتتى. بىرىنشىدەن، قاتىسۋشىلار گەوگرافياسى كەڭەيدى. فورۋمعا 100 عالىم قاتىستى. ونىڭ ىشىندە قازاقستان، رەسەي، ليتۆا، بەلارۋس، ارمەنيا، ٴازىربايجان، وزبەكستان، قىرعىزستان، تاجىكستاننان كەلگەن 27 عالىمى بار. burabay forum الاڭى جاس عالىمدارعا اقپارات الماسۋعا، عىلىمي جوبالارىن ىسكە اسىرۋعا، زەرتتەۋلەردى كوممەرسيالاندىرۋعا مۇمكىندىك بەرەدى»، - دەدى ول.

شارا بارىسىندا عالىمدار تۋريزم، اۋىل شارۋاشىلىعى، عىلىم، مادەنيەت، ٴارى فيزيكا جانە عىلىمدى قاجەت ەتەتىن تەحنولوگيالار سالاسىنداعى ىنتىماقتاستىقتى نىعايتۋ قاجەتتىگىن اتاپ ٴوتتى.

سونداي-اق حالىقارالىق فورۋم ٴوز جۇمىسىن اقمولا وبلىسىنداعى بۋراباي دەمالىس ايماعىندا جالعاستىرىلدى.

وعان قر تۇڭعىش پرەزيدەنتى – ەلباسى قورىنىڭ اتقارۋشى ديرەكتورىنىڭ ورىنباسارى يگور روگوۆ، قر ٴبىلىم جانە عىلىم ۆيسە-مينيسترى تالعات ەشەنقۇلوۆ، kazakh tourism ۇلتتىق كومپانياسىنىڭ باسشىسى راشيد كۋزەمبايەۆ، اقمولا وبلىسى اكىمىنىڭ ورىنباسارى قانات ىدىرىسوۆ قاتىستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي