BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

بۇگىن كۇن تۇتىلادى

قازاقستاننىڭ بىرنەشە وبلىسىنىڭ، اسىرەسە، سولتۇستىك قازاقستان، پاۆلودار جانە شىعىس قازاقستان وبلىستارىنىڭ تۇرعىندارى بيىلعى جىلعى كۇننىڭ سوڭعى رەت تۇتىلۋىن تاماشالاي الادى، بۇل 2018 جىلى كۇننىڭ بەسىنشى رەت تۇتىلۋى. بۇل تۋرالى م. قوزىبايەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىنىڭ پروفەسسورى اندرەي سولودوۆنيك مالىمدەدى، دەپ حابارلايدى ۆaq.kz اقپارات اگەنتتىگى.

ونىڭ ايتۋىنشا، كۇن جارتىلاي تۇتىلماق (اي كۇننىڭ جارتىسىن عانا كولەگەيلەيدى).

"كۇننىڭ تۇتىلۋى قازاقستاننىڭ از بولىگىندە، دالىرەك ايتساق، سولتۇستىك-شىعىس وبلىستارىندا: سولتۇستىك قازاقستان وبلىسىنىڭ باسىم بولىگىندە، پاۆلودار مەن شىعىس قازاقستان وبلىستارىندا عانا كورىنەدى. پەتروپاۆل مەن پاۆلوداردا كۇننىڭ تۇتىلعانىن انىق كورۋگە بولادى، ال كوكشەتاۋدا ارەڭ بايقالادى، ال استانا مەن ەلوردادان وڭتۇستىككە جانە باتىسقا قاراي مۇلدەم كورىنبەيدى. ٴتىپتى ٴبىزدىڭ وبلىستىڭ وڭتۇستىك-باتىسىندا تۇراتىن تۇرعىندار كۇن تۇتىلۋىن تاماشالاي المايدى، ال قوستانايلىقتارعا ٴتىپتى كورىنبەيدى دە. قۇبىلىس تۋرالى گەوگرافيالىق مالىمەت وسى"، — دەيدى استرونوم.

ايتا كەتسەك، ەلىمىزدە 2015 جىلدىڭ 15 ناۋرىزىنان بەرى كۇن تۇتىلماعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي