BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

بۇگىن قاسيەتتى رامازان ايى باستالدى

فوتو: coffeeandsquats.com

بۇگىن مۇسىلمان قاۋىمى ٴۇشىن قاسيەتتى، ون ەكى ايدىڭ سۇلتانى – رامازان ايى باستالدى، دەپ حابارلايدى baq.kz اقپارات اگەنتتىگى.

«مۇسىلمان قاۋىمىنىڭ بەس پارىزىنىڭ ٴبىرى سانالاتىن بۇل ايدا راقىمشىلىق تانىتقاندار مەن جاقسى امال جاساعاندارعا ساۋاپ ەسەلەنىپ جازىلادى»، – دەيدى قازاقستان مۇسىلماندارى ٴدىني باسقارماسىنىڭ ٴتوراعاسى سەرىكباي قاجى وراز قۇران كارىمنىڭ العاشقى اياتتارى تۇسكەن كەشىرىم مەن قۇلشىلىق ايى قارساڭىندا.

ورازا 17 مامىردان 14 ماۋسىمعا دەيىن جالعاسادى. ال ٴدىني باسقارما ٴتورالقا ٴماجىلىسى مۇشەلەرىنىڭ شەشىمىمەن بيىلعى ٴپىتىر-ساداقا مولشەرى 300 تەڭگە بولىپ بەكىتىلدى. پiتiر-ساداقانى رامازان ايىنىڭ باسىنان ايت نامازىنا دەيiن بەرۋگە بولادى. ماۋسىمنىڭ 10-نان 11-ىنە قاراعان ٴتۇن – قاسيەتتى ٴقادىر ٴتۇنى. ورازا ايت 15 ماۋسىمدا، ال قۇربان ايت 21 تامىزدا باستالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي