USD 335.71 EUR 357.36 RUB 5.23
استانا:

بۇگىن ەلىمىزدىڭ ٴبىرقاتار وڭىرىندە جەل كۇشەيىپ، بوران سوعادى

28 قاراشادا قازاقستاننىڭ باسىم بولىگىندە اۋا رايى جاۋىن-شاشىنسىز بولادى، رەسپۋبليكامىزدىڭ سولتۇستىك جانە باتىس اۋماقتارىندا اتموسفەرالىق اعىمداردىڭ وتۋىنە بايلانىستى اۋا رايى جاۋىن-شاشىندى، كەي جەرلەردە تۇمان ٴتۇسىپ، كوكتايعاق بولادى، بۇرقاسىن بولىپ، جەل كۇشەيەدى، دەپ حابارلايدى baq.kz «قازگيدرومەت» مالىمەتتەرىنە سىلتەمە جاساپ.

اقمولا وبلىسىندا كەي جەرلەردە ازداپ بوران سوعىپ، جەل جىلدامدىعى 15-20 م/س، ەكپىنى 23-28 م/س دەيىن كۇشەيەدى. پاۆلودار، سولتۇستىك قازاقستان وبلىستارىندا جەل 15-20 م/س جىلدامدىقپەن سوعىپ، كەي جەرلەردە 25 م/س دەيىن كۇشەيەدى، كەي جەرلەرىندە بوران سوعىپ، كوكتايعاق بولادى دەپ كۇتىلۋدە.

باتىس قازاقستان، اقتوبە وبلىستارىنىڭ كەي جەرلەرىندە تۇمان، كوكتايعاق بولادى، جەل جىلدامدىعى 15-20 م/س دەيىن كۇشەيەدى، اقتوبە وبلىسىندا ازداپ بوران سوعادى.

قاراعاندى، شىعىس قازاقستان وبلىستارىنىڭ كەي جەرلەرىندە تۇمان ٴتۇسىپ، 15-20 م/س جىلدامدىقپەن جەل سوعادى. شىعىس قازاقستان وبلىسىندا كەي جەرلەردە جاياۋ بۇرقاسىن جۇرەدى.

قوستاناي وبلىسىنىڭ كەي جەرلەرىندە جەل جىلدامدىعى 15-20 م/س دەيىن كۇشەيەدى، كەي جەرلەردە تۇمان ٴتۇسىپ، كوكتايعاق بولادى، ازداپ بوران سوعادى. جامبىل، وڭتۇستىك قازاقستان، قىزىلوردا، اتىراۋ وبلىستارىنىڭ كەي جەرلەرىندە تۇمان، جامبىل، اتىراۋ وبلىستارىندا كوكتايعاق بولادى.

الماتى، ماڭعىستاۋ وبلىستارىنىڭ كەي جەرلەرىندە تۇمان، ماڭعىستاۋ وبلىسىندا كەي جەرلەردە، الماتى وبلىسىنىڭ جالاڭاشكول اۋماقتارىندا كۇندىز جەل جىلدامدىعى 15-20 م/س دەيىن جەتەدى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي