BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

بۇدان بىلاي ۇيىڭىزدە كىمدەردىڭ تىركەۋدە تۇرعانىن ٴبىلىپ وتىراسىز - ٴىىم

استانا، baq.kz. بۇگىنگى كۇنى دەرەكتەر بازاسىندا متك بويىنشا مەكەنجاي مالىمەتتەرى ەلىمىزدىڭ 8،7 ملن-عا جۋىق ازاماتىندا بار، «ەلەكتروندىق ۇكىمەت» پورتالى ارقىلى تىركەۋ ەسەبىنەن شىعارۋ بويىنشا قىزمەت ەنگىزىلۋدە. بۇل تۋرالى قازاقستان رەسپۋبليكاسى ٴىىم ٴباسپاسوز قىزمەتى حابارلادى.

بۇل ٴاربىر جىلجىمايتىن مۇلىككە «ەلەكتروندىق ٴۇي كىتاپشاسىن» قۇرۋعا مۇمكىندىك بەردى.

قازىرگى ۋاقىتتا ٴوزىنىڭ مەكەنجاي مالىمەتتەرىن ٴار ازامات قانا ەمەس، تۇرعىن ٴۇي يەسى دە حكو نەمەسە «ەلەكتروندىق ۇكىمەت» ۆەب-پورتالىنا جۇگىنە وتىرىپ ونىڭ مەكەنجايىندا تىركەلگەن ادامدارعا دا الا الادى.

سونىمەن بىرگە، مەكەنجاي بويىنشا تىركەلگەندەر تۋرالى انىقتاما بەرۋ كەزىندە پروبلەمالى ماسەلەلەر تۋىنداپ جاتىر.

وسىلايشا، انىقتامادا تۇرعىن ٴۇيدى العانعا دەيىن تىركەلگەن ادامدار (ونىڭ ىشىندە قايتىس بولعاندار، رەسپۋبليكادان تىس جەرلەرگە كەتكەندەر) كورسەتىلۋدە. بۇل ماسەلەلەر وتپەلى كەزەڭدە پايدا بولدى جانە بۇل ۋاقىتشا سيپاتقا يە.

وسىعان بايلانىستى قايتىس بولعانداردى، قازاقستان رەسپۋبليكاسىنان تىس جەرلەرگە تۇراقتى تۇرۋعا كەتكەندەردى، قازاقستان رەسپۋبليكاسىنىڭ ازاماتتىعىنان شىققانداردى تىركەۋدەن اۆتوماتتى تۇردە شىعارۋ جۇمىسى جۇرگىزىلۋدە.

بۇدان باسقا، قازىرگى ۋاقىتتا «ەلەكتروندىق ۇكىمەت» پورتالىنا سمس-حابارلاما، ٴموبيلدى قوسىمشالار جولداۋ ارقىلى، تولەۋ تەرمينالدارى، كوممۋنالدىق قىزمەتتەر تولەمى تۋرالى تۇبىرتەكتە، نوتاريۋستىڭ جىلجىمايتىن مۇلىك وبەكتىسىن ساتىپ الۋشىعا ساتىپ الۋ-ساتۋ شارتىن رەسىمدەۋ كەزىندە ساتىپ الۋعا جاتاتىن تۇرعىن ۇيدە تىركەلگەندەر سانى تۋرالى حابارلاندىرۋ سەرۆيستەرى ازىرلەنۋدە.

بۇگىنگى كۇنى تۇرعىن ٴۇي يەسى ۇيىندە تۇرمايتىن ادامداردى حكو، «ەلەكتروندىق ۇكىمەت» ۆەب-پورتالى ارقىلى، سونداي-اق ەگەر «ەلەكتروندىق ۇكىمەت» پورتالىنىڭ ٴموبيلدى ازاماتتار بازاسىندا تۇرعىن ٴۇي يەسىنىڭ ٴموبيلدى تەلەفون نومەرى تىركەلگەن جاعدايدا ٴبىر رەتتىك ٴپارولدىڭ كومەگىمەن تىركەۋدەن شىعارا الادى.

بارلىق مەملەكەتتىك ورگانداردىڭ مەكەنجايدى تىركەۋ كودىنىڭ (متك) نەگىزىندە مەكەنجاي مالىمەتتەرىنىڭ ٴبىرىڭعاي فورماتىنا كوشۋى تۋرالى ٴىىم بۇرىن حابارلاعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي