USD 334.48 EUR 355.62 RUB 5.25
استانا:

بلوگەرلەرگە باق قۇقىعى بەرىلۋى مۇمكىن

فوتو: wwww.elarna.com

قازاقستاندا جەلىلىك باسىلىم رەتىندە تىركەلگەن بلوگەرلەر بۇقارالىق اقپارات قۇرالدارى پايدالاناتىن قۇقىققا يە بولۋى مۇمكىن. بۇل تۋرالى قر اقپارات جانە كوممۋنيكاسيالار ۆيسە-مينيسترى الان اجىبايەۆ ٴمالىم ەتتى.

«مينيسترلىك اقپاراتتىق الاڭدا رەسمي ۇسىنىلماعاندارعا قاجەتتى شارتتار جاساۋ قاجەتتىگىن تۇسىنەدى. بۇعان قوسا، بلوگەرلەر ٴبىزدىڭ ەلىمىزدە ورىن الىپ جاتقان قانداي دا ٴبىر وقيعالاردى بەلسەندى جازىپ كورسەتۋدە. سوندىقتان دا ولار ٴۇشىن ەرىكتى تۇردە جەلىلىك باسىلىم رەتىندە تىركەلۋ مۇمكىنشىلىگى قاراستىرىلادى. بۇل زاڭنامالىق نەگىزدە بۇقارالىق اقپارات قۇرالدارى قۇقىعىن الۋعا جاقسى مۇمكىنشىلىك»، - دەدى ول اقپارات جانە كوممۋنيكاسيالار مينيسترلىگىنىڭ القا وتىرىسىندا.

ونىڭ ايتۋىنشا، شەتەلدىك باق-قا اقپاراتتىق ماتەريالدار ۇسىناتىن ەل ازاماتتارىن تىركەۋ تۋرالى ۇسىنىس تا ٴدال وسى ماقساتتاردى كوزدەيدى.

«ارينە، الدا ٴتۇرلى فورماتتا جانە قۇرامدا قۇجاتتى تالقىلاۋ بار. ٴقازىر بۇل نورمالاردى تىكەلەي زەردەلەپ، تالقىلايتىن جۇمىس توبى قۇرىلۋدا. ٴقازىردىڭ وزىندە ايتىلىپ جاتقان ۇسىنىستار مەن ەسكەرتپەلەر ٴبىزدىڭ تاراپىمىزدان قاپەرگە الىنىپ، زاڭ جوباسىن ازىرلەۋ بارىسىندا ەسكەرىلەتىن بولادى»، - دەدى اجىبايەۆ.

ايتا كەتەيىك، قر اقپارات جانە كوممۋنيكاسيالار ٴمينيسترى داۋرەن ابايەۆ زاڭ جوباسىن قوعامدىق تالقىلاۋدان وتكەننەن كەيىن 2017 جىلدىڭ ناۋرىزىنا دەيىن ۇكىمەتكە جانە 2017 جىلدىڭ ٴبىرىنشى جارتىجىلدىعىندا پارلامەنت ماجىلىسىنە ەنگىزۋ قاجەتتىگىن ايتقان بولاتىن.

قازاقپارات

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي