BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

بىزگە قازاقستان قوعامىنىڭ دامۋ مودەلىن ٴتۇسىنۋ كەرەك – ۆيسە-مينيستر

فوتو: primeminister.kz

الماتى، baq.kz ٴتىلشىسى. ٴقازىر مەملەكەت پەن ازاماتتىق قوعام اراسىنداعى الشاقتىقتى قىسقارتۋ مەن كەدەرگىلەردى جويۋ ٴۇشىن جۇمىستار اتقارىپ جاتىرمىز. بۇل تۋرالى قر ٴدىن ىستەرى جانە ازاماتتىق قوعام ۆيسە-مينيسترى سەرگەي كونوۆالوۆ الماتىدا وتكەن كونفەرەنسيا بارىسىندا ايتتى.

ونىڭ ايتۋىنشا، مينيسترلىك بارلىق كەلىسسوز الاڭىن پايدالا وتىرىپ، ۇەۇ-عا وزىدەرىنىڭ ۇسىنىستارىن جەتكىزىپ، ٴارى ولاردىڭ پىكىرلەرىن ەسكەرە وتىرىپ بارلىعىنا ورتاق ٴىستى اتقارۋدى قالايدى.

«ازاماتتىق قوعامدى قۇرۋدىڭ بۇرىنعى تۇجىرىمداماسى اياقتالدى، ول 2011-2016 جىلدارعا ارنالعان. 2016 جىلدان بەرى ۇەۇ مەن ٴوزارا ارەكەتتەسۋدىڭ ۇلتتىق جوسپارى بولدى. بۇعان دەيىنگى تۇجىرىمداما ازاماتتىق قوعامنىڭ ينستيتۋتتارىن قامتىدى. ول جەردە ازاماتتىق قوعامنىڭ مودەلى ايتىلمادى. بىزگە قازاقستان قوعامىنىڭ دامۋ مودەلىن ٴتۇسىنۋ كەرەك. بۇرىنعىمەن سالىستىرعاندا ٴقازىر ىسكە اسىرىلىپ جاتقان مازمۇندى باعدارلامالار كوپ. ولاردى ينستيتۋتسيونالدى تۇردە ەمەس، مازمۇنىنا قاراي جۇزەگە اسىرۋىمىز قاجەت»، - دەيدى ۆيسە-مينيستر.

سونداي-اق ول قر ٴدىن ىستەرى جانە ازاماتتىق قوعام مينيسترلىگىنە ەلىمىزدەگى ازاماتتىق قوعامدى دامىتۋدىڭ جولدارىن قالىپتاستىرۋ تۋرالى ماڭىزدى ميسسياسى تاپسىرىلعانىن جانە مەملەكەت پەن ازاماتتىق قوعام يستيتۋتتارى اراسىنداعى ٴوزارا ارەكەتتەستىكتى قايتا قاراپ جاتقاندارىن ايتىپ ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي