BAQ.kz - Қазақстан жаңалықтары USD 359 BAQ.kz - Қазақстан жаңалықтары EUR 420.1 BAQ.kz - Қазақстан жаңалықтары RUB 5.41
استانا:

بيشىمبايەۆتىڭ جازىقسىز ەكەنىن دالەلدەيتىن ايعاقتارىمىز بولدى – قورعاۋشى

فوتو: Тұрар Қазанғап

بۇگىن بۇرىنعى ۇلتتىق ەكونوميكا ٴمينيسترى قۋاندىق بيشىمبايەۆ سوت ۇكىمىمەن 10 جىلعا باس بوستاندىعىنان ايىرىلدى. الايدا ونىڭ ادۆوكاتى سەيىت راحمانوۆ سوتتىڭ قۋاندىق بيشىمبايەۆتىڭ جازىقسىز ەكەنىن دالەلدەيتىن ايعاقتارعا قاراماستان، ادىلەتسىز شەشىم شىعارعانىن ايتتى، دەپ حابارلايدى baq.kz ٴتىلشىسى.

«ٴبىز بولعان جاعدايدى ەگجەي-تەگجەيلى زەرتتەدىك. سوعان قاراماستان سوت ٴوز شەشىمىن شىعاردى. ٴبىز سوتتىڭ ۇكىمى نەگىزسىز دەگەن پىكىردەمىز. زاڭمەن بەلگىلەنگەن سوت ۇكىمىنىڭ ۇستىنەن قايتا شاعىم تۇسىرۋگە بولاتىن ٴتارتىپ بار. سوتتىڭ ۇكىمىن قولىمىزعا العان سوڭ، اپپەلياسيالىق شاعىم ٴتۇسىرۋ ماسەلەسىن قاراستىرامىز.»، - دەدى ول.

سونىمەن قاتار سەيىت راحمانوۆ سوتتىڭ قۋاندىق بيشىمبايەۆتىڭ جازىقسىز ەكەنىن دالەلدەيتىن ايعاقتارعا قاراماستان ادىلەتسىز شەشىم شىعارعانىن جەتكىزدى.

«اتالعان ىستە قۋاندىق بيشىمبايەۆتىڭ جازىقسىز ەكەنىن دالەلدەيتىن، كۇمان تۋدىرمايتىن ايعاقتار بولدى. سونىمەن قاتار ولاردا «2 ملرد تەڭگە كولەمىندە پارا الدى» دەگەن ايىپتى دالەلدەيتىن ەشقانداي ايعاق بولعان جوق. ٴبىز سوتتىڭ ۇكىمىمەن كەلىسپەيمىز»، - دەپ تۇيىندەدى ٴسوزىن ادۆوكات جۋرناليستەرگە سوت پروسەسى اياقتالعان سوڭ.

ەستەرىڭىزگە سالا كەتەيىك، قر ۇلتتىق ەكونوميكا مينيسترلىگىنىڭ بۇرىنعى باسشىسى قۋاندىق بيشىمبايەۆقا قاتىستى سوت پروسەسى 2017 جىلدىڭ 7 قاراشاسىندا باستالعان.

وعان قىزىلورداداعى شىنى زاۋىتىن سالۋعا بولىنگەن 1 ملرد تەڭگەنى جىمقىرىپ، قىلمىستىق ٴىستى ۇيىمداستىرعان دەگەن ايىپتار تاعىلعان. كەيىن ەكس-مينيستردىڭ ادۆوكاتتارى جۋرناليستەرگە قۋاندىق بيشىمبايەۆتىڭ سوت پروسەسىنىڭ ٴادىل وتەتىنىنە سەنەتىنىن مالىمدەگەن.

سونىمەن قاتار، ولار قر ۇلتتىق ەكونوميكا مينيسترلىگىنىڭ بۇرىنعى باسشىسىنا «مەملەكەت قارجىسىن جىمقىردى» دەپ تاعىلعان ايىپتىڭ ورىنسىز ەكەنىن اتاپ ٴوتىپ، تەرگەۋ بارىسىندا ورەسكەل زاڭبۇزۋشىلىقتار بولعانىن اشىق ايتقان.

قۋاندىق بيشىمبايەۆ سوت پروسەسى كەزىندە ەلباسى نۇرسۇلتان نازاربايەۆتان كەشىرىم سۇراپ، تەرگەۋ امالدارىنىڭ ادىلەتسىز جۇرگىزىلىپ جاتقانىن مالىمدەگەن. سونىمەن قاتار، ول استانا ىرگەسىنەن قالاي ٴزاۋلىم ٴۇي سالعانىن تۇسىندىرگەن.

سونداي-اق، پروسەسس بارىسىندا پروكۋرور ەكس-مينيستر قۋاندىق بيشىمبايەۆتى 12 جىلعا باس بوستاندىعىنان ايىرۋدى سۇرادى. الايدا سوتتا قۋاندىق بيشىمبايەۆ وزىنە تاعىلعان ايىپتاردى مويىنداماعان بولاتىن. ٴبىر جىلعا جۋىق قاماۋدا جاتقان جاۋاپكەر ٴوز سوزىندە الدىمەن ەل ازاماتتارىنىڭ قامىن ويلاعاندىعىن، سىرىن بىلمەسە دە، سىرتتان كەلگەن ادامدارعا سەنىپ، جۇمىسقا العانىن، اقىرى جۇمىستىڭ وسىلاي جايسىز اياقتالعانىن ايتقان. 38 جاستاعى ەكس-مينيستر حالىقتان دا كەشىرىم سۇراعان بولاتىن.

ايتا كەتەيىك، قۋاندىق بيشىمبايەۆپەن قاتار اتالعان اتىشۋلى سوت ىسىندە 22 ادامعا ايىپ تاعىلىپ، تەرگەۋ جۇرگىزىلگەن بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي