BAQ.kz - Қазақстан жаңалықтары USD 340.27 BAQ.kz - Қазақстан жаңалықтары EUR 396.31 BAQ.kz - Қазақстан жаңалықтары RUB 5.39
استانا:

بيشىمبايەۆ سوت ۇكىمىنە شاعىم ٴتۇسىردى

فوتو: ашық дереккөзден

سوتتالعان ۇلتتىق ەكونوميكا ەكس-مينيسترى قۋاندىق بيشىمبايەۆ سوت ۇكىمىنە شاعىم ٴتۇسىردى، دەپ حابارلايدى baq.kz اقپارات اگەنتتىگى tengrinews.kz سايتىنا سىلتەمە جاساپ.

قر ۇەم بۇرىنعى باسشىسى شاعىمىندا وزىنە قاتىستى ۇكىمدى زاڭسىز ٴارى نەگىزسىز شىعارىلدى دەپ ەسەپتەيدى.

«راستاپ بەرە الامىن: ٴوزى دە، ٴبىز دە - ادۆوكاتتارى اپەللياسيالىق شاعىم تۇسىردىك. سوت ۇكىمىمەن كەلىسپەيمىز. قۋاندىق بيشىمبايەۆتى كىناسىز دەپ ەسەپتەيمىز. سوت تەرگەۋى كەزىندە ونىڭ ايىبى دالەلدەنگەن جوق. سوت الدى تەرگەۋ كەزىندە دە، سوت تەرگەۋى كەزىندە دە قىلمىستىق-پروسەستىك كودەكستىڭ تالاپتارى ورەسكەل بۇزىلدى دەپ سانايمىز. قورعانۋ قۇقىعى بۇزىلدى. باستى دالەلىمىز ونىڭ كىناسىزدىگى جانە ايىبىنىڭ دالەلدەنبەۋى»، - دەدى ەكس-مينيستردىڭ ادۆوكاتى ٴمادي مىرزاعارايەۆ.

سونىمەن قاتار، ادۆوكات بيشىمبايەۆتىڭ سوت زالىندا سويلەگەن سوزدەرىن دە كەلتىرىپ كەتتى.

«بيشىمبايەۆ ٴوز كوزقاراستارىن، دالەلدەرىن سوت تەرگەۋى كەزىندە، ٴسوزجارىستا جانە سوڭعى سوزىندە تۇگەلدەي ايتتى. ول بۇل ەپيزودتارعا قاتىسى جوق ەكەنىن ناقتى ٴتۇسىندىردى. بىرەۋ-مىرەۋلەر زاڭدى بۇزعان دا شىعار، ٴبىراق ونىڭ قاتىسى جوق. ونىڭ قانداي دا ٴبىر ارەكەتتەرگە قاتىسى بارىن تۇگەلدەي جوققا شىعارامىز»، - دەدى بيشىمبايەۆتىڭ ادۆوكاتى.

ەستەرىڭىزگە سالا كەتەيىك، بيىلعى ناۋرىزدىڭ ٴ14-ى استانانىڭ قىلمىستىق ىستەر جونىندەگى مامانداندىرىلعان اۋدانارالىق سوتى قۋاندىق بيشىمبايەۆتى پارا العانى جونىندە ايىپتى دەپ تانىپ، 10 جىلعا باس بوستاندىعىنان ايىرعان. ال، ٴىستىڭ قالعان 22 فيگۋرانتى ٴتۇرلى جازاعا كەسىلگەن بولاتىن.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي