BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

ٴبىر ايدا 1100-گە جۋىق ادام كوشى-قون زاڭىن بۇزعان

استانا، baq.kz. بۇگىنگى تاڭدا استانا قالاسىنىڭ كوشى-قون قىزمەتىنىڭ باستى تاپسىرمالارىنىڭ ٴبىرى زاڭسىز كوشى-قونعا قارسى كۇرەس. وسىعان بايلانىستى ىشكى كوشى-قوندى باقىلاۋعا ەرەكشە كوڭىل بولىنەدى.

پاتەرىن جالعا بەرۋشىلەر كوبىنەسە ٴوز ٴۇيىن جالعا الۋشىلاردى تىركەۋگە تۇرعىزبايدى. ناتيجەسىندە پاتەردى جالعا الۋشىلار تۇراقتى مەكەن-جايى بويىنشا تىركەۋگە تۇرا المايدى. بولماسا تىركەۋسىز تۇرادى نەمەسە جالعان مەكەن-جاي بويىنشا تىركەلەدى («رەزەڭكە پاتەرلەر» دەپ اتالاتىندار دا)، ٴبىر مەكەن-جايدا 100-دەن اسا ادام تىركەلۋى مۇمكىن.

"ٴبىزدىڭ نەگىزگى ماقساتىمىز – قىزمەتتەرى اقىلى نەگىزدە جۇزەگە اسىرىلاتىن جانە ٴبىر مەكەن-جايعا ازاماتتاردىڭ كوپ سانىن تىركەۋگە الىپ كەلەتىن دەلدالدارعا قاتىستى نولدىك توزىمدىلىك جاعدايىن جاساۋ. بۇل ٴوز كەزەگىندە قالانىڭ كريمينوگەندىك احۋالىنا اسەر ەتەدى" - دەيدى ماماندار.

اتاپ وتەتىن جاي، «قازاقستان رەسپۋبليكاسىنىڭ ازاماتتارىن تۇرعىلىقتى جەرى بويىنشا تىركەۋ» مەملەكەتتىك قىزمەت تەگىن كورسەتىلەدى. مەكەن-جايعا تىركەلۋ ماسەلەسى كوپتەگەن الەۋمەتتىك ماسەلەلەردى شەشەدى (مەديسينالىق قىزمەت كورسەتۋ، مەكتەپ، بالا-باقشالار تاعى دا باسقالار).

وسىعان بايلانىستى، 29 قازان مەن 06 قاراشا ارالىعىندا تۇرعىن ٴۇي يەلەرى جانە تىركەلەتىن قازاقستان رەسپۋبليكاسىنىڭ ازاماتتارى مەن شەتەلدىكتەر اراسىنداعى دەلدالدىق فاكتىلەرىنىڭ الدىڭ الۋ، سونداي-اق «رەزەڭكە پاتەرلەرمەن» كۇرەس ماقساتىندا استانا قالاسىنىڭ اۋماعىندا «دەلدالعا – جول جوق!» جەدەل-پروفيلاكتيكالىق ٴىس-شاراسى وتكىزىلدى.

جەدەل-پروفيلاكتيكالىق ٴىس-شاراسى بارىسىندا كوشى-قون قىزمەتى، جەرگىلىكتى پوليسيا قىزمەتى جانە كريمينالدى پوليسيانىڭ كۇشتەرىمەن ادامداردىڭ نەعۇرلىم كوپ سانى تىركەلگەن مەكەن-جايلار قاتارىنا تەكسەرۋلەر جاسالدى.

سونىمەن، جەدەل-پروفيلاكتيكالىق ٴىس-شاراسى بارىسىندا قالانىڭ كوشى-قون جانە جەرگىلىكتى پوليسيا قىزمەتتەرى 1083 كوشى-قون زاڭناماسىن بۇزىلۋ فاكتىسى انىقتادى. ونىڭ ىشىندە ٴ334-ى شەتەلدىكتىڭ كەلۋ ەرەجەسىن بۇزعان، ٴ107-ى قابىلداۋشى تۇلعانىڭ شەتەل ازاماتتارىنىڭ كەلۋ ەرەجەسىن بۇزعان، ٴ98-ى تۇرعىن ٴۇي يەسىنىڭ ٴوز ۇيىندە تۇرمايتىن ازاماتتاردى تىركەگەن، ٴ544-ى تۇلعالاردىڭ قازاقستان رەسپۋبليكاسىندا تىركەۋسىز نە جەكە باستى كۋالاندىراتىن قۇجاتسىز تۇرعان.

بۇدان بولەك، تۇرعىن ٴۇي يەلەرى مەن تىركەلەتىن قازاقستان رەسپۋبليكاسىنىڭ ازاماتتارى اراسىنداعى دەلدالدىقتىڭ 140 فاكتىسى انىقتالدى.

اعىمداعى جىلدىڭ باسىنان باستاپ جەدەل-پروفيلاكتيكالىق ٴىس-شارالار بارىسىندا كوشى-قون زاڭناماسىن بۇزعانى ٴۇشىن بارلىعى 4 مىڭنان استام قازاقستان رەسپۋبليكاسىنىڭ ازاماتتارى جاۋاپتىلىققا تارتىلعان، سونىن ىشىندە:

- قۇجاتتارسىز جانە تىركەۋسىز تۇرعانى ٴۇشىن (اقبتقرك 492 باپ) – 3.901;

- ولاردا ناقتى تۇرمايتىڭ جەكە تۇلعلاردى تىركەۋگە جول بەرگەنى ٴۇشىن (اقبتقرك 493 باپ) – 188.

بۇل باعىت بويىنشا جۇمىس تۇراقتى نەگىزدە جۇرگىزىلەدى جانە كوشى-قون زاڭناماسىن بۇزۋشىلارعا قاتاڭداۋ شارالار قولدانىلاتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي