BAQ.kz - Қазақстан жаңалықтары USD 345.55 BAQ.kz - Қазақстан жаңалықтары EUR 401.01 BAQ.kz - Қазақстан жаңалықтары RUB 5.45
استانا:

بيىل جازدا اي تۇتىلادى

فوتو: xn--80avgx.net

الماتىلىقتار وسى جازدا 3 ساعات بويى ايدىڭ تۇتىلعانىن كورە الادى. ماماندار بۇل ەرەكشە قۇبىلىس 17 جىلدا ٴبىر رەت قايتالاناتىنىن ايتادى، دەپ حابارلايدى baq.kz اقپارات اگەنتتىگى almaty.tv سايتىنا سىلتەمە جاساپ.

وبسەرۆاتوريانىڭ باستى قۇرالى – تەلەسكوپ. استرونومدار وبسەرۆاتورياعا اي، ساقيناسى بار ساتۋرندى، جولاقتى يۋپيتەر جانە مارستىڭ پوليارلى باسىن كورۋگە كەلەتىندەردىڭ قاتارى كوپ ەكەندىگىن ايتادى. مۇندا اسپانداعى ادەمىلىكتى تاماشالاۋعا وقۋشىلاردان باستاپ، تۋريستەر دە كەلەدى. جۇلدىزشىلار الماتى قالاسىنىڭ تۇرعىندارىنا جازدا ەرەكشە تابيعي قۇبىلىستى تاماشالاۋعا بولاتىنىن بولجاپ وتىر.

«بيىل ايدىڭ تۇتىلۋىن 28 شىلدە كۇنى، تۋرا ٴتۇن ورتاسىندا كورۋگە بولادى. ول تۇنگى 12.23-تە كورىنەدى. سول ٴۇشىن 27 شىلدە كۇنى تۇندە دالاعا شىعىپ، ۋاقىتتىڭ 12.00-گە اۋىسقانىن باقىلاۋ كەرەك. تۇتىلۋ 3 ساعاتقا سوزىلادى دەپ كۇتەمىز»، - دەدى زەرتحانا مەڭگەرۋشىسى ليۋبوۆ شەستاكوۆا.

ماماندار اي تۇتىلعان كەزدە ايدىڭ بەتى تولىقتاي جابىلاتىنىن ايتادى. ودان بولەك، 28 شىلدە كۇنى مارس پلانەتاسىمەن قاراما-قارسىلىق تۋادى. بۇل دەگەنىمىز جەر مەن مارس 17 جىلدا ٴبىر رەت بىر-بىرىنە وتە جاقىن قاشىقتىقتا جاقىندايدى. وسى كەزدە مارستاعى شاڭدى داۋىلدى كورۋگە مۇمكىندىك تۋاتىن كورىنەدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي