BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

بيىل مەرزىمدى اسكەري قىزمەتكە 35 مىڭ ازاماتتى شاقىرۋ جوسپارلانىپ وتىر 

ەلىمىزدە اسكەري قىزمەتىن وتەۋگە 35 مىڭنان اسا ازاماتتى شاقىرۋ جوسپارلانىپ وتىر . بۇل تۋرالى ورتالىق كوممۋنيكاسيالار قىزمەتىندە وتكەن ٴباسپاسوز كونفەرەنسياسىندا ايتىلدى، دەپ حابارلايدى baq.kz ٴتىلشىسى.

2018 جىلى كوكتەمگى-كۇزگى ناۋقانعا قازاقستان رەسپۋبليكاسىنىڭ قارۋلى كۇشتەرىنە، باسقا دا اسكەرلەرى مەن اسكەري قۇرىلىمدارعا 1991-2000 جىلدارى تۋعان 35 مىڭنان اسا ازاماتتى شاقىرۋ جوسپارلانىپ وتىر. ونىڭ ىشىندە كوكتەمگى ناۋقانعا 17 مىڭنان اسا ازاماتتى شاقىرۋ قاراستىرىلعان.

سونىمەن قاتار، ٴباسپاسوز كونفەرەنسياسىنا كەلگەن سپيكەرلەر اسكەرگە شاقىرىلاتىن ازاماتتاردىڭ اسكەري قىزمەتىن اتقارۋداعى ماڭىزدىلىعى مەن بولاشاقتاعى پەرسپەكتيۆالارى جايلى ٴتۇسىندىرىپ ٴوتتى.

«قر قارۋلى كۇشتەرى سەرجانتتار مەن قاتارداعى جاۋىنگەرلەردىڭ قۇرامىنىڭ 70%-دان استامى كاسىبي ماماندارمەن جاساقتالعان. ال، قالعان 30% -دى ٴبىز مەرزىمدى اسكەري قىزمەتكە شاقىرىلاتىن جاستارمەن تولىقتىرامىز. دەمەك، ٴبىزدىڭ اسكەرىمىز كاسىبي، جوعارى دەڭگەيدە دايىندالاعان جاقسى مامانداردان قۇرىلعان. جىلدا كەلەتىن جاستار ٴوز ەلىن، وتانىن قالاي قورعاۋ كەرەكتىگىن، اسكەردىڭ قاي تۇرىندە قانداي قارۋ-جاراقتاردى قولدانۋ كەرەكتىگىن ۇيرەنەدى. 12 ايلىق اسكەري قىزمەتتىڭ ناتيجەسىندە اسكەرگە كەلۋشىلەر اۋەدە، قۇرلىقتا جانە تەڭىزدە وزدەرىنە قويىلعان كەز-كەلگەن تاپسىرمانى اتقارا الاتىن سارباز بولىپ ۇيلەرىنە قايتادى»،- دەدى استانا قالاسىنىڭ ٴقىد باستىعىنىڭ ورىنباسارى عاني ارتىقوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي