BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

بەكبولات تىلەۋحان ٴوز ورنىن بوساتۋعا دايىن ەكەنىن ايتتى

استانادا وتكەن بريفينگ بارىسىندا ۇلتتىق سپورت تۇرلەرى قاۋىمداستىعىنىڭ پرەزيدەنتى بەكبولات تىلەۋحان وسىلاي دەپ مالىمدەدى، دەپ حابارلايدى، baq.kz اقپارات اگەنتتىگى.

«ۇلتتىق سپورت تۇرلەرى قاۋىمداستىعى پرەزيدەنتتىگىنەن كەتۋدى حالىق تالاپ ەتسە، ورنىڭىزدى بوساتۋعا دايىنسىز با؟» دەگەن ساۋالعا بەكبولات تىلەۋحان قۋانا-قۋانا كەتەتىن ايتتى.

«مىنا ادام سەنىڭ ورنىڭا قىزمەت اتقارادى دەسە، ٴقازىر بوساتىپ بەرۋگە دايىنمىن. مىنە، حالىقتىڭ الدىندا وتىرمىن عوي. وسى جاڭالىقتاردى 18 ملن ادام كورەدى عوي، ٴقازىر بەرۋگە دايىنمىن. مەن وزىمە تيەسىلى دۇنيەنى ورىندادىم دەپ ويلايمىن» - دەيدى بەكبولات تىلەۋحان.

سونىمەن قاتار ول، ۇلتتىق سپورتتىڭ اينالاسىندا جۇرگەن جىگىتتەردىڭ كوبى وزىنە دەيىن وسى سالانىڭ قازانىندا قايناعان ازاماتتار ەكەنىن ايتتى.

«سوندىقتان بۇل جەردە مەن اتاق ٴۇشىن، بولماسا باسقا ٴۇشىن وتىرعان جوقپىن. كەز كەلگەن ۋاقىتتا، ورنىڭا باسقا ادام وتىرادى دەپ، الىپ تاستاسا دا رەنجىمەيمىن. ٴبىراق، كوكپار دەگەننىڭ نە ەكەنىن، اۋدارىسپاق دەگەننىڭ نە ەكەنىن، جالپى ۇلتتىق سپورت دەگەننىڭ نە ەكەنىن تۇسىنبەيتىن بىرەۋلەردىڭ اياق استىنان ۇلتتىق سپورتتىڭ جاناشىرى بولا قالعانى تاڭقالدىرادى» - دەيدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي