USD 335.71 EUR 357.36 RUB 5.23
استانا:

بەكبولات تىلەۋحان: دومبىرانى قاتتى ۇستاعاننان فيزيانوميام بۇزىلدى

بۇگىن ەلوردادا قر پارلامەنتى ٴماجىلىسىنىڭ دەپۋتاتى، بەلگىلى قوعام قايراتكەرى بەكبولات تىلەۋحاننىڭ جاستارمەن «ۇرپاقتار ساباقتاستىعى» اتتى كەزدەسۋى ٴوتتى. بۇل تۋرالى قازاقپارات حابارلايدى.

جۇزدەسۋ بارىسىندا بەكبولات تىلەۋحان ەلباسىنىڭ دۇربەلەڭ كەزەڭدەگى قايراتكەرلىگى، مىنەزىنىڭ بەكەمدىگى مەن قاجىر-قاراتى جايىندا ٴسوز قوزعادى.

«تاۋەلسىزدىكتەن ٴتاتتى ەشتەڭە بولۋى مۇمكىن ەمەس. ازاتتىقتان اسىل ەشتەڭە جوق. ٴوز شارۋاڭدى ٴوزى شەشۋ دەگەن ماقتانارلىق جايت. تاۋەلسىزدىكتىڭ ەلەڭ-الاڭىندا ەلباسىنىڭ الدىندا تاراۋ-تاراۋ جول تۇردى. تاڭداۋ كەرەك بولدى. مەملەكەت باسشىسى شاتاسسا بۇكىل الاش جۇرتى شاتاساتىن ەدى. ول كىسى قۇلاسا، بۇكىل قازاق قۇلار ەدى. بۇكىل ۇلتتىڭ جاۋاپكەرشىلىگىن ٴبىر ادام موينىنا الدى. بۇل سۇمدىق تاريحي جاۋاپكەرشىلىك»، - دەپ اتاپ ٴوتتى ٴماجىلىس دەپۋتاتى.

سونىمەن قاتار ول ونەر جولىندا از قيىنشىلىق كورمەگەندىگىن، دەنە بىتىمىنە دە كەرى اسەرى بولعاندىعىن اتاپ ٴوتتى.

«جاسىراتىنى جوق، وسى دومبىرانى قاتتى ۇستاعاننان فيزيانوميام بۇزىلدى. ەكى يىعىم تەڭ ەمەس. مىسال ٴۇشىن ەكى قولىم ەكى ٴتۇرلى. مەنىڭ ايتايىن دەپ وتىرعانىم، ٴبىر نارسەگە جان-تانىڭمەن بەرىلىپ اينالىسپاساڭ، ەشنارسە شىقپايدى. ول سپورتتا دا، ونەردە دە سولاي. وتە تالانتتى ادامدار بولادى. ٴبىراق، ول تالانتىن ۇشتاماسا قالىپ قويادى»، - دەدى ول.

ٴانشى يبراگيم ەسكەندىر جۇرگىزگەن شاراعا قازاقستان ەستراداسىنىڭ جۇلدىزدارى بەيبىت قورعان مەن ەرنار ايدار، اكتەر ٴادىل احمەتوۆ، ريو وليمپياداسىنىڭ چەمپيونى دانيار ەلەۋسىنوۆ، كاسىپقوي بوكسشى جانقوش تۇراروۆ قاتىسىپ، وتان، ەلدىكتى ساقتاۋ، بەيبىتشىلىك ٴقادىرى، ازاتتىق جولىندا جان قيعان اسىل ەرلەردىڭ ەرەن ەڭبەگىن تىلگە تيەك ەتتى.

كەزدەسۋدى استانا قالالىق جاستار ساياساتى ماسەلەلەرى جونىندەگى باسقارمانىڭ قولداۋىمەن «نۇر وتان» پارتياسى «جاس وتان» جاستار قاناتى ۇيىمداستىردى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي