BAQ.kz - Қазақстан жаңалықтары USD 374.2 BAQ.kz - Қазақстан жаңалықтары EUR 420.34 BAQ.kz - Қазақстан жаңалықтары RUB 5.52
استانا:

بەكبولات تىلەۋحان اتبەگىلەردەن كەشىرىم سۇرادى

بۇگىن استانادا وتكەن ٴباسپاسوز كونفەرەنسياسىندا ٴداستۇرلى «التىن تۇلپار» الامان بايگەسىنىڭ وتەتىن، وتپەيتىنىنە بايلانىستى ٴجۋرناليستىڭ ساۋالىنا جاۋاپ بەرگەن بەكبولات تىلەۋحان اتبەگىلەردەن كەشىرىم سۇرادى، دەپ حابارلايدى baq.kz ٴتىلشىسى.

«التىن تۇلپار» الامان بايگەسىنە قاتىستى ايتار بولسام، «اق جول» پارتياسى ۇلكەن جارىس وتكىزەتىن بولىپ، وعان اقشا ٴبولىنىپ، سوعان قاراي ويىسامىز دەپ وتىرعاندا، ٴتۇرلى سەبەپتەرگە بايلانىستى ول وتپەيتىن بولىپ قالدى. وعان بولىنگەن قارجىنى «التىن تۇلپارعا» بەيىمدەيمىز دەگەندە، مەملەكەتتىك ساتىپ الۋلاردان كەدەرگى بولىپ، سونىمەن، قاراجاتتىڭ ورىندى جوسپارلان باۋىنىڭ كەسىرىنەن «التىن تۇلپار» بيىلعى جىلى بولمايتىن بولدى» - دەدى بەكبولات تىلەۋحان.

ونىڭ ايتۋىنا قاراعاندا «التىن تۇلپار» الامانى ەكى جىلدا ٴبىر رەت ٴوتىپ تۇراتىن بولادى.

«كەيبىر اتبەگىلەرىمىزدىڭ تاراپىنان ەكى جىلدا ٴبىر رەت ٴوتىپ تۇرسا دەگەن ۇسىنىستار دا بولدى. سوندىقتان كەلەسى جىلى امانشىلىق بولسا، وتەتىنى انىق. ال بيىلدىققا جاعداي وسىنداي بولدى» - دەيدى ۇلتتىق سپورت تۇرلەرى قاۋىمداستىعىنىڭ پرەزيدەنتى.

وسى ورايدا، جىل بويى «التىن تۇلپارعا» ارناپ ات باپتاپ، ونىسىن باسقا بايگەلەرگە سالماي، الاماندى كۇتكەن اتبەگىلەردىڭ ەڭبەگى، اتتىڭ وبالى نە بولادى دەگەن زاڭدى سۇراق تۋىندادى.

«بۇل جاعدايعا شىنىمەن كەشىرىم سۇرايمىن! كەيدە دىتتەگەن ماقساتىڭا مۇمكىندىگىڭ سايكەس كەلمەي قالادى. جاسىراتىنى جوق، مەن دە «التىن تۇلپارعا» ٴبىر ات دايىنداپ وتىر ەدىم. الامانعا ات دايىنداعان ادامنىڭ ٴبارى ەكىنشى ورىن الام دەپ باپتامايدى، ەلۋ ات قوسسا، ەلۋى دە ٴبىرىنشى ورىننان دامەلى بولادى عوي. ەندى وسى ٴبىر قولىمىزدان كەلمەي قالعان دۇنيەگە بايلانىستى اتبەگى باۋىرلارىمنان كەشىرىم سۇرايمىن!» - دەدى بەكبولات تىلەۋحان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي