BAQ.kz - Қазақстан жаңалықтары USD 345.68 BAQ.kz - Қазақстан жаңалықтары EUR 404.45 BAQ.kz - Қазақстан жаңалықтары RUB 5.48
استانا:

bbs جەرگىلىكتى كونتەنتكە اسا نازار اۋدارادى - بۋتاندىق وكىل ۆانگچۋك

ٴبىز تەلەراديوحابار تاراتۋ كەزىندە جەرگىلىكتى كونتەنتكە باسا نازار اۋدارامىز. بۇل جونىندە ەلوردادا ٴوتىپ جاتقان radio asia – 2018 كونفەرەنسياسى بارىسىندا بۋتان مەملەكەتىندەگى bbs راديوحابار تاراتۋ قىزمەتىنىڭ وكىلى تشەرينگ ۆانگچۋك مالىمدەدى، دەپ حابارلايدى baq.kz ٴتىلشىسى.

«مەن بۇگىن تەك راديو عانا ەمەس، تەلەۆيدەنيە تۋرالى دا ايتقىم كەلەدى. سەبەبى، بۇل ەكەۋىن بىر-بىرىنەن ٴبولىپ قاراستىرا المايمىن. بىزدە 100 پروسەنتتى جەرگىلىكتى كونتەنت. بۇل ەڭ الدىمەن قارجىلاندىرۋدىڭ شەكتەلۋىنە بايلانىستى بولىپ وتىر. سەبەبى، بىزدەگى جىل سايىنعى بيۋدجەت 7 ملن اقش دوللارىن قۇرايدى. بۇل قاراجات كەيبىر بەدەلدى ارنالاردىڭ ٴبىر باعدارلاماعا جۇمسايتىن قاراجاتىنا تەڭ. سول سەبەپتى ٴبىز جەرگىلىكتى كونتەنتتى دامىتۋعا ۇلكەن نازار اۋدارامىز جانە بۇل ٴبىزدىڭ №1 مىندەتىمىز. ٴبىز بۇل ماسەلەدە ايتارلىقتاي ۇلكەن زەرتتەۋلەر جۇرگىزبەيمىز. ٴبىراق، ٴبىز تىڭدارماندارمەن كەرى بايلانىسقا ۇلكەن كوڭىل بولەمىز. ٴار تىڭدارمان مەن كورەرمەننىڭ كوڭىلىن تابۋ ٴۇشىن جاستىڭ دا، قارتتىڭ دا قالاۋلى باعدارلامالارى، اندەرى جانە فيلمدەرىن ۇسىنۋعا بارىنشا تىرىسامىز»، - دەدى شەتەلدىك قوناق.

بۋتاندىق تەلەراديوحابار تاراتۋ ۇيىمىنىڭ وكىلى اتاپ وتكەندەي، الەمدىك دەڭگەيدەگى جاڭالىقتار كورەرمەندەر تاراپىنان اسا قىزىقتى بولا بەرمەيدى.

«سول سياقتى، ٴبىز الەمدى تاڭ قالدىرعان جاڭالىقتاردىڭ بارلىعىن بىردەي ۇسىنا بەرمەيمىز. مىسالى، پورتۋگاليا ۋرۋگۆايدان جەڭىلىپ، كريشتيانۋ رونالدۋ فۋتبولدان الەم چەمپيوناتىنان شىعىپ قالعانى تۋرالى اقپارات. بىرىنشىدەن، بۇل جاڭالىقتى bbc كورسەتىپ قويسا، ٴbbs-دىڭ ونى قايتالاۋىنىڭ نە قاجەتى بار؟ ەكىنشىدەن، ٴبىزدىڭ اۋديتوريادان «كريشتيانۋ رونالدۋ دەگەن كىم؟» دەگەن ساۋال كەلىپ جاتادى. ياعني، كەيبىر سەگمەنتتەردەگى ادامدار ٴۇشىن مۇنداي تاقىرىپتاعى جاڭالىقتار ەش قىزىق ەمەس. سەبەبى، ٴبىزدىڭ ەلىمىزدەگى كوپ ادامدار ٴالى دە اۋىلدىق جەردە تۇرادى. سونىمەن قاتار، ٴبىزدىڭ مەملەكەتتە شەتەلدىك كونتەنتتى ۇسىناتىن 60 جۋىق ارنا بار، ال، جەرگىلىكتى كونتەنت تەك bbs. سول سەبەپتى، ٴبىز جەرگىلىكتى كونتەنتكە اسا نازار اۋدارامىز»، - دەدى تشەرينگ ۆانگچۋك.

ەسكە سالا كەتسەك، شىلدەنىڭ 10-12 ارالىعىندا ەلوردادا العاش رەت ازيا-تىنىق مۇحيتى حابار تاراتۋ وداعىمەن (abu) بىرلەسىپ اۋقىمدى شارالار ۇيىمداستىرىلىپ وتىر. ايتا كەتۋ كەرەك، ازيا-تىنىق مۇحيتى حابار تاراتۋ وداعى كوممەرسيالىق ەمەس ٴىرى كاسىبي قاۋىمداستىق جانە ول 69 ەلدەگى 292 حابار تاراتۋ ۇيىمىنىڭ باسىن بىرىكتىرىپ وتىر. ونىڭ الەۋەتتى اۋديتورياسى شامامەن 3 ملرد ادامدى قۇرايدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي