BAQ.kz - Қазақстан жаңалықтары USD 338.78 BAQ.kz - Қазақстан жаңалықтары EUR 392.82 BAQ.kz - Қазақстан жаңалықтары RUB 5.35
استانا:

باۋىرجان بايبەك «سايران» اۆتوۆوكزالىنىڭ عيماراتىن جوندەۋدى تاپسىردى

كۇندەلىكتى جۇمىس ساپارى بارىسىندا الماتى اكىمى باۋىرجان بايبەك حالىقارالىق «سايران» اۆتوۆوكزالىنىڭ عيماراتى مەن ونىڭ اينالاسىن جانە «ساياحات» اۆتوبەكەتىن ارالاپ كوردى. مەگاپوليس باسشىسى «سايران» اۆتوۆوكزالىنىڭ كوپتەن بەرى حالىقارالىق دەڭگەيگە ساي ەمەستىگىن، سوندىقتان قايتا جوندەپ، مەنەدجمەنت مودەلىن قاراستىرۋ قاجەتتىگىن اتاپ ٴوتتى، دەپ حابارلايدى baq.kz اقپارات اگەنتتىگى قالا اكىمىنىڭ ٴباسپاسوز قىزمەتىنە سىلتەمە جاساپ.

الماتىدا «ٴتۋريزمدى دامىتۋدىڭ 100 قادامى» جول كارتاسى اياسىندا قالا سەرۆيسى مەن ونىڭ ينفراقۇرىلىمىن جاقسارتۋ بويىنشا جۇمىس ودان ٴارى جالعاسۋدا. وسىدان بىرنەشە كۇن بۇرىن عانا «قتج» ۇك» اق-مەن بىرگە «الماتى-1» جانە «الماتى-2» ۆوكزالدارىن رەكونسترۋكسيالاۋ مەن قىزمەت ساپاسىن جاقسارتۋ بارىسىندا بىرىككەن جوسپار قابىلدانعان ەدى. دەگەنمەن، مەگاپوليستىڭ اۆتوموبيل ۆوكزالدارىنىڭ جاعدايلارى قاناعاتتانارلىق ەمەس بولعاندىقتان، جاڭارتۋدى قاجەت ەتەدى.

بۇگىنگى كۇنى «سايراننىڭ» ۆوكزال الدى اينالاسىندا ٴبىرقاتار قۇرىلىستار بار. كەڭەستىك مودەرنيزم ستيلىندە سالىنعان ىشكى ارلەۋدىڭ ەلەمەنتتەرى مەن عيماراتتىڭ سىرتقى كەلبەتى بۇرىنعى بەينەسىنەن ٴبىرشاما ايىرىلعان، سونىڭ سالدارىنان ارحيتەكتۋرالىق بىرەگەيلىگى جويىلۋ ٴقاۋپى بار.

ىشكى تۋريزم الەۋەتىن دامىتۋدى ەسكەرگەن باۋىرجان بايبەك كۇن سايىنعى جولاۋشى لەگى 1200 ادامدى قۇرايتىن اۆتوۆوكزال اينالاسىن رەتكە كەلتىرۋدى جانە ونىڭ عيماراتىن جوندەۋدى تاپسىردى. زاڭناماعا سايكەس، نىساندى جەرگىلىكتى ماڭىزى بار تاريحي ەسكەرتكىشتەر تىزىمىنە ەنگىزۋ ماسەلەسى قاراستىرىلادى. ايتا كەتەرلىگى، بۇرىندارى مەگاپوليس باسشىلىعى قۇنى 20،2 ملرد تەڭگەنى قۇرايتىن «باتىس» اۆتوۆوكزالىن سالۋ جونىندەگى جوبانى بەكىتپەگەن ەدى.

«وتكەن جىلى باستالعان قالانى قايتا جاڭعىرتۋ اياسىندا ٴبىز الماتىعا بۇرىنعى تاريحي كەلبەتىن قايتارۋدامىز. ەڭ الدىمەن، نىسانداردىڭ العاشقى بەينەسىن ساقتاۋ قاجەت. ساراپشىلاردى تارتا وتىرىپ، جولاۋشىلار لەگىنىڭ لوگيستيكاسىن تولىق قايتا قاراعان ٴجون. ٴبىز تاريحي نىساندى قالپىنا كەلتىرىپ، ۆوكزالدىڭ بارشا قىزمەتىن جاڭاشا جۇرگىزىپ، ونى قالانىڭ كولىك حابىنا اينالدىرامىز»، - دەدى باۋىرجان بايبەك.

قازىرگى كەزدە اۆتوۆوكزال اينالاسىندا زاڭسىز سالىنعان قۇرىلىستار الىنۋدا. اۆتوۆوكزال اينالاسىندا بۇرىندارى ساۋدامەن اينالىسقان كاسىپكەرلەرگە اۋداننىڭ ساۋدا ورىندارى مەن بازارلارىنان جەڭىلدەتىلگەن ورىندار ۇسىنىلادى.

الماتى اكىمى جۇمىس ساپارى بارىسىندا قالا ماڭىنداعى ەلدى مەكەندەرگە قىزمەت كورسەتەتىن «ساياحات» اۆتوبەكەتى مەن ونىڭ اينالاسىن ارالاپ كوردى. جەر ۋچاسكەسىنىڭ يەلەرى ونىڭ اينالاسىن اباتتاندىرۋ بويىنشا ٴتيىستى جۇمىستاردى باستاۋعا جانە ودان ٴارى دامىتۋ جونىندەگى ناقتىلى جوسپاردى قىسقا مەرزىمدە ۇسىنۋعا مىندەتتەلدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي