BAQ.kz - Қазақстан жаңалықтары USD 372.49 BAQ.kz - Қазақстан жаңалықтары EUR 424.15 BAQ.kz - Қазақстан жаңалықтары RUB 5.54
استانا:

باس پروكۋرور تابيعاتتى قورعاۋ پروكۋرورلارىنىڭ قىزمەتىن سىنعا الدى

باس پروكۋراتۋرادا قايرات قوجامجاروۆتىڭ ٴتوراعالىق ەتۋىمەن تابيعاتتى قورعاۋ پروكۋراتۋرالارىنىڭ جۇمىسىن ۇيىمداستىرۋ ماسەلەلەرى قارالدى. باس پروكۋرور ولاردىڭ ەنجارلىعىن، جۇمىستارىنىڭ تيىمسىزدىگىن، ەكولوگيالىق زاڭنامانىڭ بۇزۋشىلارعا دەر كەزىندە ٴمان بەرىلمەيتىنىن اتاپ ٴوتتى، دەپ حابارلايدى baq.kz اقپارات اگەنتتىگى.

«باق-تا، الەۋمەتتىك جەلىلەردە قورشاعان ورتاعا زياندى اسەرلەردەن دەنساۋلىقتى قورعاۋ ماسەلەلەرى كۇندەلىكتى دەرلىك جاريالى تۇردە تالقىلانادى. اتموسفەرالىق اۋانىڭ لاستانۋى، اۋىز سۋدىڭ جوقتىعى، تۇرمىس قالدىقتارىنىڭ بەي-بەرەكەت ساقتالۋى، سۋ تاسقىنىنا ارەكەتسىزدىك تانىتىپ وتىرعان ۋاكىلەتتى مەملەكەتتىك ورگانداردىڭ اتىنا سىن ايتىلىپ جاتادى. بۇنىڭ بارلىعى ەكولوگيا سالاسىنداعى جاعدايدى جاقسارتۋ بويىنشا ناقتى ۇسىنىستاردى ازىرلەۋدى تالاپ ەتەدى»، - دەدى قايرات قوجامجاروۆ.

ەسەپتەردى تىڭداعان باس پروكۋرور، وڭتۇستىك قازاقستان وبلىسىنىڭ پروكۋرورلارىنا سۋ قورعاۋ ايماقتارىندا جەر ۋچاسكەلەرىن ٴبولۋ، قاتتى تۇرمىستىق قالدىقتاردى ساقتاۋ جانە كومۋ ماسەلەلەرىنە; شىعىس قازاقستان وبلىسىنا – اتموسفەرالىق اۋانىڭ لاستانۋى، جەكەلەگەن ەلدى-مەكەندەردىڭ تازا اۋىز سۋمەن قامتاماسىز ەتىلۋى; اقمولا – ششۋچينسك-بۋراباي كۋرورتتىق ايماعىن دامىتۋعا جانە گيدروقۇرىلىستاردىڭ سالىنۋىنا بولىنگەن بيۋدجەت قاراجاتىن ماقساتتى پايدالانۋ; ماڭعىستاۋ وبلىسىنا – بورتىندا مۇناي ونىمدەرى بار تەڭىز كەمەلەرىن كادەگە جاراتۋ جانە جەردىڭ ٴوندىرىس قالدىقتارىمەن لاستانۋى ماسەلەلەرىندە قاداعالاۋدى كۇشەيتۋ قاجەتتىلىگىنە نازار اۋداردى.

باس پروكۋرور قورشاعان ورتانى قورعاۋ سالاسىنداعى زاڭدىلىقتى پروكۋرورلىق قاداعالاۋدىڭ تيىمدىلىگىن ارتتىرۋ بويىنشا كەشەندى ٴىس-شارالار جوسپارىن ازىرلەۋدى تاپسىردى.

سونداي-اق، الدىن الۋ شارالارىن دايىنداپ شىعارۋ ماقساتىندا زاڭ بۇزۋشىلىقتاردىڭ سيپاتى مەن جۇيەلىلىگىنە نازار اۋدارا كەلە، ەكولوگيالىق قۇقىق بۇزۋشىلىقتار تۋرالى قىلمىستىق ىستەر بويىنشا سوت-تەرگەۋ تاجىريبەسىنە تالداۋ جاساۋ تۋرالى نۇسقاۋ بەردى.

قايرات قوجامجاروۆ قورشاعان ورتانى قورعاۋدى قامتاماسىز ەتۋگە، ونىڭ ىشىندە حالىقتى اۋىز سۋمەن جابدىقتاۋ ٴۇشىن سۋ قۇبىرلارىن، گيدروقۇرىلىستارىن سالۋعا جانە جوندەۋگە باعىتتالعان «نۇرلى جول»، «2020 جىلعا دەيىن وڭىرلەردى دامىتۋ»، «2021 جىلعا دەيىن اگروونەركاسىپتىك كەشەندى دامىتۋ» مەملەكەتتىك باعدارلامالارىن ىسكە اسىرۋ ماقساتىمەن بولىنگەن بيۋدجەت قاراجاتىنىڭ ٴتيىستى جۇمسالۋىن قاتاڭ قاداعالاۋدى تالاپ ەتتى.

وبلىس پروكۋرورلارىنا تابيعات قورعاۋ زاڭناماسىن قاداعالاۋدى جۇرگىزۋ جانە كۇشەيتۋ كەزىندە باقىلاۋشى ورگانداردىڭ فۋنكسيالارىن اۋىستىرۋ فاكتىلەرىنە جول بەرمەۋ بويىنشا باعىت بەرىلدى.

جيىن سوڭىندا ٴبىرقاتار ناقتى تاپسىرمالار بەرىلدى.

ەكولوگيالىق قاۋىپسىزدىكتى قاداعالاۋدى 11 مامانداندىرىلعان پروكۋراتۋرانىڭ قامتاماسىز ەتەتىنىن ەسكە سالامىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي