USD 334.89 EUR 361.61 RUB 5.28
استانا:

باس پروكۋراتۋرا جاستاردىڭ جيھادقا كەتۋ سەبەبىن اتادى

جاستاردىڭ جيھادقا كەتۋىنە ينتەرنەت كىنالى. بۇگىن باس پروكۋراتۋرا سيرياعا سوعىسقا اتتانعان وتانداستارىمىزدىڭ 80 پايىزى وسى عالامتورداعى راديكالداردىڭ جالعان اقپاراتىنا سەنىپ شەكارا اسىپ جاتقانىن مالىمدەدى.

جىل سايىن ينتەرنەتتە جيھادقا ۇندەيتىن ٴجۇز مىڭداعان سايت پايدا بولادى. ونداعى ٴدىني ەكسترەميستىك ماتەريالدى وقىعاندار سوقىر سەنىمنىڭ جەتەگىندە سيرياعا اتتانادى دەيدى پروكۋرورلار. ونىڭ ۇستىنە الەۋمەتتىك جەلىنى شەبەر مەڭگەرگەن ۋاعىزشىلاردى ۇستاۋ تەحنيكالىق جاعىنان مۇمكىن ەمەس. ويتكەنى، سىرتتا وتىرىپ، جاستاردى دىنىنەن اداستىراتىن ۇيىمداردىڭ سەرۆەرى شەتەلدە ورنالاسقان. پروكۋرورلارعا مۇنداي سايتتارعا توسقاۋىل قويۋ قيىنعا سوعىپ تۇر.

«ينتەرنەتتەگى جالعان اقپاراتتار جاستاردىڭ ميىن شىرماپ، تەرروريستىك توپتاردىڭ قۇرامىنا كىرۋىنە ىقپال ەتىپ وتىر. ٴتىپتى، ساناسى ۋلانعانى سونشا، از ۋاقىت ىشىندە ٴوزىنىڭ ٴومىرىن قيىپ جارىلىس جاساۋعا دەيىن دايىن تۇرادى»، - دەيدى باس پروكۋراتۋرانىڭ حالىقارالىق بايلانىستار دەپارتامەنتى ديرەكتورىنىڭ ورىنباسارى ٴالجان نۇربەكوۆ.

كتك

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي