BAQ.kz - Қазақстан жаңалықтары USD 327.42 BAQ.kz - Қазақстан жаңалықтары EUR 383.51 BAQ.kz - Қазақстан жаңалықтары RUB 5.29
استانا:

باس ٴمۇفتي سەرىكباي قاجى وراز: رامازان – راحىم ايى

فوتو: muftyat.kz

قازاقستان مۇسىلماندارى ٴدىني باسقارماسىنىڭ ٴتوراعاسى، باس ٴمۇفتي سەرىكباي قاجى وراز قازاقستاندىقتاردى رامازان ايىمەن قۇتتىقتادى، دەپ حابارلايدى baq.kz اقپارات اگەنتتىگى muftyat.kz سايتىنا سىلتەمە جاساپ.

«اسا قامقور، ەرەكشە مەيىرىمدى اللانىڭ اتىمەن باستايمىن! ٴقادىرلى باۋىرلار! بارشامىزدى ورازاعا امان-ەسەن جەتكىزگەن قۇدىرەتى شەكسىز اللا تاعالاعا سانسىز شۇكىرلەر مەن ماقتاۋ-ماداقتار بولسىن! سىزدەردى كۇللى مۇسىلمان قاۋىمى اسىعا كۇتكەن قاسيەتتى رامازان ايىنىڭ كەلۋىمەن شىن جۇرەكتەن قۇتتىقتايمىن! ٴار شاڭىراققا شاتتىق پەن باقىت، بىرلىك پەن بەرەكە تىلەيمىن! بارشاڭىزعا جاراتقان يەم جار بولسىن!

ٴبىزدىڭ حالقىمىز ەجەلدەن رامازاندى ەرەكشە قاستەرلەپ: «ون ەكى ايدىڭ سۇلتانى» دەپ اتاعان. بەرەكەسى مول ايدا جارامازان جىرىن ايتىپ، ورازانىڭ كەلگەنىن قۋانىشپەن جەتكىزىپ، ناسيحاتتاعان. ال اۋىزاشار داستارحانى رۋحاني سۇحباتتىڭ، باتا مەن ىزگى تىلەكتىڭ قاينارى بولعان. اۋىز بەكىتكەن ادامدى ايرىقشا قادىرلەپ، وعان اۋىزاشار بەرۋ – باعزىدان كەلە جاتقان ٴسالت-داستۇرىمىز بەن ادەت-عۇرپىمىز.

تاڭعى سارەسى ٴار شاڭىراق ٴۇشىن قۋانىشتى ٴسات بولسا، كەشكى اۋىزاشار اعايىن مەن تۋىستى، ٴبىر قاۋىم ەلدى يماندىلىققا ۇيىتقان، مەرەكەسى مەن بەرەكەسى ۇيلەسكەن باسقوسۋ بولاتىن. اللاعا شۇكىر، بۇل يگى ٴداستۇر عاسىردان عاسىرعا جالعاسىپ، جاڭعىرىپ كەلەدى»، - دەيدى سەرىكباي قاجى وراز.

باس ٴمۇفتي رامازان – راقىم ايى ەكەنىن ايتىپ، بۇل ايدىڭ قۇرمەتى ٴۇشىن پەندەلەر ٴبىر-بىرىن كەشىرىپ، مەيىرىمدىلىك جولىن ۇستانۋلارى كەرەك ەكەنىن ايتتى.

«وزگەگە مەيىرىم كورسەتكەن ادامدى اللا تاعالا ٴوز مەيىرىمىنە بولەيدى. كەشىرگەنگە – كەشىرىم جاسالادى. رامازان – جاقسىلىق ايى. ورازادا جاسالعان ٴاربىر جاقسى امالدىڭ ساۋابى ەسەلەنىپ جازىلادى. حاديس-شاريفتە ايتىلعانداي، «ادام بالاسىنىڭ بارلىق يگى ىستەرىنىڭ ساۋابى ارتادى. ٴاربىر جاقسىلىققا ون ەسەدەن جەتى ٴجۇز ەسەگە دەيىن ساۋاپ جازىلادى».

وسى رەتتە وتانداستارىمدى ماتەريالدىق كومەككە مۇقتاج جاندارعا كوڭىل ٴبولىپ، قايىرىمدىلىق ٴىس-شارالارعا بەلسەندى تۇردە اتسالىسۋعا شاقىرامىن. كاسىپكەرلەردى رامازاننىڭ قۇرمەتى ٴۇشىن ازىق-تۇلىك، كوكونىس پەن تۇرمىستىق زاتتارعا، جول-كولىك اقىسىنا جەڭىلدىكتەر جاساۋعا ۇندەيمىز»، - دەيدى ول.

سونداي-اق، قازاقستان مۇسىلماندارى ٴدىني باسقارماسى «2018 – يسلام جانە وتباسى جىلى» دەپ اتادى. سەرىكباي قاجى وراز بۇل جىلى كومەككە مۇقتاج ادامدارعا قامقورلىق كورسەتۋگە ۇندەدى.

«قۇرمەتتى جاماعات! قاسيەتتى ايدا قاراۋسىز قالعان قارتتار مەن مۇگەدەكتەرگە، جەتىمدەر مەن كوپبالالى وتباسىلارعا، ناۋقاس ادامدارعا بارىنشا قامقورلىعىمىزدى كورسەتەيىك، ارداقتى اعايىن! ٴبىر ادامدى قۋانىشقا بولەۋ – ساداقا.

قۇدايى استار مەن ساداقالار اۋىزاشار ۋاقىتىندا ۇيىمداستىرىلسا، تويلار ىشىمدىكسىز وتكىزىلسە، جاماندىقتىڭ باستاۋى بولعان اراق-شاراپتىڭ ساتىلۋىنا بارىنشا جول بەرىلمەسە دەگەن تىلەگىمدى بىلدىرەمىن»، - دەيدى ول.

باس ٴمۇفتي جاماعاتتى ون ەكى ايدىڭ سۇلتانى – رامازانمەن قۇتتىقتاپ، اق تىلەگىن ايتتى.

«قۇرمەتتى قاۋىم! ون ەكى ايدىڭ سۇلتانى – رامازان قۇتتى، بەرەكەلى بولسىن! قاسيەتتى ايدا جاسايتىن قۇلشىلىق، دۇعا-تىلەكتەرىڭىز قابىل بولسىن! العا قويعان ارمان-ماقساتتارىڭىز ورىندالىپ، ورازادان ورازاعا امان-ەسەن جەتە بەرۋىمىزدى اللا ٴناسىپ ەتسىن! ەلىمىز امان، جۇرتىمىز تىنىش، حالقىمىزدىڭ بىرلىگى نىعايىپ، بەرەكەسى ارتا بەرگەي! تاۋەلسىزدىگىمىز ٴارقاشان باياندى بولعاي! ٴاۋمين!» - دەدى ول.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي