BAQ.kz - Қазақстан жаңалықтары USD 369.36 BAQ.kz - Қазақстан жаңалықтары EUR 431.3 BAQ.kz - Қазақстан жаңалықтары RUB 5.45
استانا:

باس ٴمۇفتي قازاقستانداعى 100 يمامعا جالاقى تاعايىندادى

فوتو: muftyat.kz

استانادا باس ٴمۇفتي سەرىكباي قاجى ورازدىڭ توراعالىعىمەن وتكەن كەزەكتى حاتتامالىق جينالىستا ٴدىن قىزمەتكەرلەرىن الەۋمەتتىك قولداۋ، ولاردى جالاقىمەن قامتاماسىز ەتۋ ماسەلەسى تالقىلاندى، دەپ حابارلايدى baq.kz اقپارات اگەنتتىگى قازاقستان مۇسىلماندارى ٴدىني باسقارماسىنىڭ ٴباسپاسوز قىزمەتىنە سىلتەمە جاساپ.

قمدب ٴتوراعاسى سەرىكباي ساتىبالدى ۇلىنىڭ شەشىمىمەن ٴمۇفتيات جانىنداعى «قازاقستان قاجىلىق قورى» ەسەبىنەن 100 يمامعا 50 مىڭ تەڭگە كولەمىندە جالاقى بەرىلەتىن بولدى.

«ەلىمىز بويىنشا 2058 اۋىلدىق مەشىت بار. ونىڭ باسىم بولىگى ٴوزىن-وزى قاراجاتپەن قامتاماسىز ەتە المايتىن مەشىتتەر. اۋىلدا ايلىقسىز قىزمەت ەتەتىن ٴدىن قىزمەتكەرلەرىن تولىقتاي جالاقىمەن قامتاماسىز ەتۋ جوسپارىمىزدا بار. العاشقى كەزەڭ بويىنشا 100 اۋىل يمامىنا «قازاقستان قاجىلىق قورى» ەسەبىنەن 50 مىڭ تەڭگە ايلىق بەرىلەدى. وسىلايشا، يمامداردىڭ الەۋمەتتىك ماسەلەسىن كەزەڭ-كەزەڭىمەن شەشۋدى كوزدەپ وتىرمىز»، - دەپ اتاپ ٴوتتى باس ٴمۇفتي سەرىكباي قاجى وراز.

ايتا كەتەيىك، بۇعان قوسا «ۋاقىپ» قايىرىمدىلىق قورى 300-دەن استام ٴدىن قىزمەتكەرىنە ورتا ەسەپپەن 50 مىڭ تەڭگە قارجىلاي قولداۋ كورسەتىپ كەلەدى.

ەلىمىز بويىنشا، 2605 مەشىتتە 6189 ادام قىزمەت ەتەدى. ونىڭ 4 مىڭعا جۋىعى – ٴدىن قىزمەتكەرى. جالپى ٴدىن قىزمەتكەرلەرىنىڭ 30 پايىزى عانا تولىققاندى جالاقىمەن قامتاماسىز ەتىلگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي