BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

باقىت سۇلتانوۆ قارجى مينيسترلىگى ورگاندارىنداعى سىبايلاس جەمقورلىق فاكتىلەرى تۋرالى ايتتى

فوتو: qazaquni.kz

«نۇر وتان» پارتياسى جانىنداعى سىبايلاس جەمقورلىققا قارسى ٴىس-قيمىل جونىندەگى رەسپۋبليكالىق قوعامدىق كەڭەستىڭ وتىرىسىندا قارجى مينيسترلىگىندەگى ونىڭ ۆەدومستۆولارى مەن اۋماقتىق ورگاندارىنداعى سىبايلاس جەمقورلىققا قارسى ٴىس-قيمىل جۇمىستارىنىڭ جاعدايى تالقىلاندى، دەپ حابارلايدى baq.kz ٴتىلشىسى.

قارجى ٴمينيسترى باقىت سۇلتانوۆ اتالعان ۆەدومستۆو جۇيەسىندە، اتاپ ايتساق مەملەكەتتىك كىرىستەر جانە ىشكى مەملەكەتتىك اۋديت كوميتەتتەرىندە سىبايلاس جەمقورلىق كورىنىستەرى ورىن الىپ وتىرعانىن اتاپ ٴوتتى.

«2017 جىلى مينيسترلىكتىڭ 75 قىزمەتكەرىنە قاتىستى 70 سوتقا دەيىنگى ٴىستى جۇرگىزۋ، ونىڭ 46-سى نەمەسە 66%ٴ-ى مەملەكەتتىك كىرىس كوميتەتىنىڭ ىشكى قاۋىپسىزدىگى باسقارماسىمەن جانە باسقا دا ۋاكىلەتتى ورگاندارمەن بىرلەسە جۇمىس ىستەۋدىڭ ناتيجەسىندە قوزعالدى. ٴدال وسى جىلى مەملەكەتتىك كىرىس كوميتەتىنىڭ 65 قىزمەتكەرىنە 63 سوتقا دەيىنگى ٴىستى جۇرگىزۋ قوزعالدى»، - دەيدى ول.

ول قارجى مينيسترلىگى ىشكى مەملەكەتتىك اۋديت كوميتەتىنىڭ 8 قىزمەتكەرىنە قاتىستى 6 سوتقا دەيىنگى ٴىس جۇرگىزۋ قوزعالعانىن اتاپ ٴوتتى. قارجى ٴمينيسترى سىبايلاس جەمقورلىق فاكتىلەرىمەن كۇرەستە سىبايلاس جەمقورلىقپەن اشكەرەلەنگەن قىزمەتكەرلەردىڭ باسشىلارىنىڭ جەكە جاۋاپكەرشىلىگىن ارتتىرۋ ماقساتىندا شارالار اتقارىلىپ جاتقانىن اتاپ ٴوتتى.

«2017 جىلى قارجى مينيسترلىگى ورگانىنىڭ 78 بۇرىنعى لاۋازىمدىق تۇلعالارى جەكە جاۋاپكەرشىلىككە تارتىلدى. تارتىپتىك نەگىزدە 74 تىكەلەي باسشى جازالانسا، 4 سونىڭ ىشىندە 6 باسشىنىڭ قىزمەتى تومەندەدى. بيىل مەملەكەتتىك كىرىستەر كوميتەتى بولىمشەلەرى، ياعني وقو مەن ماڭعىستاۋ وبلىسىندا 2 باسشى تارتىپتىك جاۋاپكەرشىلىككە تارتىلدى»، - دەدى سۇلتانوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي