BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

«بايقوڭىر» عارىش ايلاعىنان «پروگرەسس مس-09» جۇك كەمەسى ۇشىرىلدى

10 شىلدەدە استانا ۋاقىتى بويىنشا 03 ساعات 51 مينۋتتا «بايقوڭىر» عارىش ايلاعىنان «سويۋز-2.1ا» زىمىران تاسىعىشى كومەگىمەن «پروگرەسس مس-09» ترانسپورتتىق جۇك كەمەسى ٴساتتى ۇشىرىلدى، دەپ حابارلايدى baq.kz اقپارات اگەنتتىگى.

ۇشىرىلىم «سويۋز» زىمىران تاسىعىشى «بايقوڭىر» عارىش ايلاعىنىڭ 31-الاڭىنان باستاۋ الدى جانە شتاتتىق رەجيمدە ٴوتتى.

«پروگرەسس مس-09» ترانسپورتتىق جۇك كەمەسىنىڭ ۇشىرىلۋى حالىقارالىق عارىش ستانساسىنىڭ باعدارلاماسى بويىنشا جۇزەگە اسىرىلدى.

قورعانىس جانە اەروعارىش ونەركاسىبى مينيسترلىگىنىڭ ٴباسپاسوز قىزمەتى ٴمالىم ەتكەندەي، جۇك كەمەسىن ۇشىرۋداعى ماقسات حالىقارالىق عارىش ستانساسىنا ەكيپاج جۇمىسىنىڭ تىرشىلىگىنە جانە ستانسيانىڭ جۇمىس ىستەۋىنە قاجەتتى جانارماي، ازىق-تۇلىك، سۋ سەكىلدى جۇكتەردى جەتكىزۋ.

«پروگرەسس مس-09» ترانسپورتتىق جۇك كەمەسىن رەسەيلىك «س.پ. كورولەۆا اتىنداعى «ەنەرگيا» زىمىران-عارىش كورپوراسياسى قۇراستىرعان جانە ول وربيتالدىق ستانسانى جابدىقتاۋ ٴۇشىن «سويۋز» زىمىران تاسىعىشىنىڭ كومەگىمەن وربيتاعا شىعاتىن پيلوتسىز ترانسپورتتىق جۇك كەمەسىنىڭ سەرياسىنا جاتادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي