BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

«ازيا جاڭعىرىعى» سيرك ونەرى فەستيۆالىنىڭ جەڭىمپازدارى ماراپاتتالدى

استانادا سيرك ونەرى الەمىندەگى ەڭ اۋقىمدى شارالاردىڭ ٴبىرى – xi «ازيا جاڭعىرىعى» فەستيۆالى اياقتالدى. ەلوردا تۇرعىندارى مەن قوناقتارىنىڭ الدىندا 13 مەملەكەتتەن كەلگەن 60-تان اسا ٴارتىس ونەر كورسەتتى، دەپ حابارلايدى baq.kz اقپارات اگەنتتىگى.

xi «ازيا جاڭعىرىعى» حالىقارالىق سيرك ونەرى فەستيۆالىنىڭ قورىتىندىلارىنا سايكەس باس جۇلدەنى استانالىق «بارىس» اتتى اكروباتيكالىق ٴانسامبلى ەنشىلەدى.

ٴبىرىنشى جۇلدەگە ۆەتنامدىق «بوس سىم» نومەرى، استانا سيركىنىڭ «قارسى اتكەنشەك» سيرك نومەرى، شىمكەنتتىك نۇرسۇلتان قانايەۆ، يبراگيم اليەۆ، ۇلىقبەك مەلدەشوۆ ورىنداعان «سەموفور» نومەرى لايىق دەپ تانىلدى.

ەكىنشى جۇلدەگە ۆەنگريالىق ونەرپازدار ورىنداعان «silkact» توسەمى نومەرى، مينسكىدەن كەلگەن الەنا كليموۆيچتىڭ «انتيپود» نومەرى، اشحابادتىق ليلياننا يۋسۋپوۆانىڭ «ساقينا» نومەرى يە بولدى.

استانا سيركىنىڭ ونەرپازدارى ۇسىنعان «سيگۆەيدەگى ەكۆيليبر» سيرك نومەرى، رەسەيلىك ماكسيم كارپوۆ، ارتەم بابينوۆ، كونستانتين كوپەيكين قويعان «ش ۇلىقسىز» نومەرى، الماتىلىق اۋە گيمناسشىلارىنىڭ نومەرى ٴۇشىنشى ورىندى يەلەندى.

سونىمەن قاتار، فەستيۆالدە استانا قالاسى اكىمىنىڭ سىيلىعى ويناتىلدى. رەسەيلىك ونەرپازدار ۇسىنعان «زەبرا» ٴۆولتيجى سيرك نومەرى وسى سىيلىققا لايىق دەپ تانىلدى. جەتەكشىسى – ۆياچەسلاۆ نوۆيچيحين.

«استانالىق سيرك» تاعايىنداعان ارنايى سىيلىق «ەكۆيليبرلەر تريوسى» توبى – كيەۆتىك انجەلا شۋگايلوعا، اناستاسيا ياروشەنكوعا، ۆيكتوريا تەرەنتيەۆاعا، «دارشىلار» نومەرى ٴۇشىن بىشكەكتىك دانيار ومۋربەكوۆكە بۇيىردى.

مۇنىمەن قوسا، «ازيا جاڭعىرىعى» ٴحى فەستيۆالىندە «جاڭا بۋىن» ارنايى سىيلىعى تاعايىندالعان بولاتىن. الماتىلىق اۋە گيمناسشىلارىنا جەتەكشىلىك ەتكەن ولگا دەميدوۆا قانجىعاسىنا بايلادى.

قازاقستاندىق سيرك ارتىستەرى فەستيۆال بارىسىندا مونتە-كارلودا وتەتىن بالالار فەستيۆالىنە شاقىرىلدى.

ازيا جاڭعىرى فەستيۆالىنىڭ ۇيىمداستىرۋشىلارى دا نازاردان تىس قالمادى. استانالىق سيركتىڭ باس ديرەكتورى ەرىك جولجاقسىنوۆقا «ەرەۆان سيركىنىڭ» كوركەمدىك جەتەكشىسىنىڭ ارنايى سىيلىعى تابىستالدى.

ەسكە سالساق، 4-8 شىلدە ارالىعىندا ەلىمىزدىڭ باس قالاسىندا استانانىڭ 20 جىلدىعىنا وراي، ورتالىق ازيادا بالاماسى جوق جىل سايىنعى سيرك ونەرى فەستيۆالى ٴوتتى. قىرعىزستان، وزبەكستان، تۇركمەنستان، ۆەتنام، رەسەي، بەلارۋس، ۋكراينا، فرانسيا، كانادا، نيكاراگۋا، ەفيوپيا جانە ۆەنگريا سياقتى ەلدەردەن كەلگەن قاتىسۋشىلار ەلوردالىق سيرك مانەجىندە ا جانە ب كونكۋرستىق باعدارلامالارىندا ونەر كورسەتكەن بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي