BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

«ازيا راديوسى» فەستيۆالىندە قازاقستاندىق انشىلەر ونەر كورسەتەدى 

الداعى كۇندەرى ەلوردادا وتەتىن «ازيا راديوسى» فەستيۆالىندە قازاقستاندىق انشىلەر ونەر كورسەتەدى. بۇل جونىندە قازاقستاننىڭ ورتالىق كوممۋنيكاسيالار قىزمەتىندە وتكەن بريفينگ بارىسىندا «قازمەديا» ورتالىعىنىڭ باس ديرەكتورى ٴلاززات ٴجۇنىسوۆا مالىمدەدى، دەپ حابارلايدى baq.kz ٴتىلشىسى.

«10-12 شىلدە ارالىعىندا استانادا وتەتىن «ازيا مەديا ديالوگى» حالىقارالىق جيىنعا الەمنىڭ 37 ەلىنەن كەلگەن 100-گە جۋىق وكىل قاتىسادى. جيىن اياسىندا ٴبىرقاتار ماڭىزدى ٴىس-شارا وتكىزۋ جوسپارلانىپ وتىر. اتاپ ايتساق، 10-11 شىلدەدە «ازيا راديوسى» حالىقارالىق كونفەرەنسياسى بولادى. مۇنداي كونفەرەنسيا قازاقستاندا العاش رەت وتكىزىلگەلى وتىر. شارا بارىسىندا راديوحابار تاراتۋداعى ماڭىزدى باعىتتار تالقىلانادى. 11 شىلدە ازيا راديوسىنىڭ حالىقارالىق ٴان فەستيۆالى وتەدى. فەستيۆالگە ٴۇندىستان، ۆەتنام، قىتاي، تۇركيا جانە تاعى 10 مەملەكەتتەن كەلگەن جاس انشىلەر قاتىسادى. ال قازاقستاننان اتىنان رۇستەم جۇگىنىسوۆ پەن دجوردان اراكەليان ونەر كورسەتەدى»، - دەدى مەدياورتالىقتىڭ باسشىسى.

ٴلاززارت ٴجۇنىسوۆا اتاپ وتكەندەي، فەستۆال «قازمەديا» ورتالىعىنىڭ كينوكونسەرت زالىندا وتەدى. ساعات كەشكى 19:00-دە باستالاتىن بۇل شاراعا كىرۋ تەگىن.

«12 شىلدە كۇنى «media – 2020» حالىقارالىق كونفەرەنسياسى وتەدى دەپ بەلگىلەنىپ وتىر. ونىڭ اياسىندا ەۋروپا مەن ازيانىڭ الدىڭعى قاتارلى مەدياباسشىلارى مەديا سالانى دامىتۋدىڭ وزەكتى ماسلەلەرىن تالقىلايدى»، - دەدى سپيكەر.

ايتا كەتۋ كەرەك، اتالعان ٴىس-شارالار ازيا-تىنىق مۇحيتى حابار تاراتۋ وداعىمەن (abu) بىرلەسىپ ۇيىمداستىرىلىپ وتىر. ازيا-تىنىق مۇحيتى حابار تاراتۋ وداعى كوممەرسيالىق ەمەس ٴىرى كاسىبي قاۋىمداستىق جانە ول 69 ەلدەگى 292 حابار تاراتۋ ۇيىمىنىڭ باسىن بىرىكتىرىپ وتىر. ونىڭ الەۋەتتى اۋديتورياسى شامامەن 3 ملرد ادامدى قۇرايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي