BAQ.kz - Қазақстан жаңалықтары USD 369.98 BAQ.kz - Қазақстан жаңалықтары EUR 428.7 BAQ.kz - Қазақстан жаңалықтары RUB 5.64
استانا:

اتىراۋلىق 40 سارباز تارازعا اسكەرگە اتتاندى

استانا، baq.kz. 12 قازان كۇنى جەڭىس ساياباعىندا قازاقستان رەسپۋبليكاسى قارۋلى كۇشتەرىنىڭ قاتارىنا قابىلداۋ سالتاناتى ٴوتتى. اتىراۋلىق 40 سارباز تاراز قالاسىنداعى قۇرلىق اسكەرىنە شۇعىل اسكەري قىزمەتكە جىبەرىلدى. اتىراۋ وبلىسىنىڭ اكىمى نۇرلان نوعايەۆ بولاشاق جاۋىنگەرلەر، ولاردىڭ تۋىستارى مەن جاقىندارى الدىندا ٴسوز سويلەدى.

«بۇگىن ٴبىز قازاقستاندىق اسكەر قاتارىنا جاس جىگىتتەرىمىزدى وتان الدىنداعى بورىشىن اتقارۋعا جىبەرەمىز. ٴبىراق، بورىشتان بولەك، اسكەري قىزمەت – سارباز ٴۇشىن ەڭ جاقسى ومىرلىك مەكتەپ. اسكەردەگى قىزمەت ٴبىرقاتارىڭىزعا جەتىلۋ، مىنەز، باتىلدىق ٴۇشىن ومىرلەرىڭىزدەگى العاشقى سىناق. بۇگىندە ٴبىزدىڭ ەلىمىز الەمدىك كەڭىستىكتە وزىنە لايىقتى ورنى بار مەملەكەت. بۇل، البەتتە، ەلباسىمىز، باس قولباسشى نۇرسۇلتان نازاربايەۆتىڭ ىشكى جانە سىرتقى سارابدال ساياساتىنىڭ ارقاسى. قازاقستاندىق اسكەر ٴۇشىن ماتەريالدىق-تەحنيكالىق بازا، الەۋمەتتىك كومەك تۇرعىسىنان بارلىق جاعداي قاراستىرىلعان. بۇل ٴبىزدىڭ اسكەرگە شەكارامىزدى قورعاۋدا العا قويىلعان ستراتەگيالىق تاپسىرمالاردى ورىنداۋعا مۇمكىندىك بەرەدى. جاس ساربازدارعا ازاماتتىق بورىشتارىن لايىقتى تۇردە وتەپ، انتتارىنا ادال بولۋلارىن تىلەيمىن»، - دەدى نۇرلان نوعايەۆ.

وبلىس باسشىسى سونىمەن قاتار، جاۋىنگەرلەرگە اسكەري قىزمەت قيىندىعىنا مويىماي، امان ورالىپ، باتىلدىق تانىتىپ، مۇقتاج ادامدارعا ٴاردايىم كومەك كورسەتۋگە قابىلەتتى بولۋلارىن تىلەدى.باستى مىندەت – جاس ۇرپاق ساناسىندا ٴوز ەلى مەن بولاشاعىنا دەگەن ماقتانىش پەن جاۋاپكەرشىلىك سەزىمىن وياتۋ. كوپتەگەن جاستار وتانعا قىزمەت ەتۋ – ٴار ەر ازاماتتىڭ بورىشى ەكەنىن تۇسىنەدى.

اتىراۋ وبلىستىق قورعانىس ىستەرى دەپارتامەنتىنىڭ باسشىسى، پولكوۆنيك باتىرحان اقباليەۆتىڭ ايتۋىنشا، بۇگىنگى جاۋىنگەرلەردىڭ ٴار قايسىسى ناعىز سارباز بولۋعا لايىقتى.

«اسكەردەگى قىزمەت كەشەگى ٴجاسوسپىرىمدى كەلەشەك وتانىنا ادال ەر ازامات بولۋعا تاربيەلەيدى. اق جول تىلەيمىز»، - دەدى باتىرحان اقبالايەۆ.

اتىراۋ قالالىق ارداگەرلەر كەڭەسىنىڭ ٴتوراعاسى ٴالىپقالي بەكەش جانە ساربازداردىڭ تۋىسقاندارى دا ٴوز تىلەكتەرىن ٴبىلدىردى.

ايتا كەتەيىك، 10 قىركۇيەكتە قازاقستاندا ساربازداردى كۇزگى قارۋلى كۇشتەر قاتارىنا شاقىرۋ باستالعان بولاتىن. رەسپۋبليكا بويىنشا 1992-2000 جىلى تۋىلعان 17 مىڭنان اسا ازاماتتى شاقىرۋ جوسپارلانعان. اتىراۋ وبلىسىنان كۇزگى ماۋسىمعا 826 سارباز شاقىرىلدى. ٴ215-ى اسكەري بولىمدەرگە ورنالاسۋعا جىبەرىلدى. ولاردىڭ ٴ175-ى ۇقك شەكارا قىزمەتىنە، 40-ى قارۋلى كۇشتەرگە قابىلداندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي