BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

اتىراۋدا قىزدارى ورامال تاققان اتا-اناعا ايىپپۇل سالىندى

اتىراۋ وبلىسىندا بىلتىرعى وقۋ جىلىندا بالالارى مەكتەپكە ورامال تاعىپ بارعانى ٴۇشىن 15 اتا-اناعا ايىپپۇل سالىندى، دەپ حابارلايدى baq.kz اقپارات اگەنتتىگى. بۇل تۋرالى اتىراۋ وبلىستىق ٴبىلىم سالاسىنداعى قاداعالاۋ دەپارتامەنتىنىڭ باسشىسى ساتقان ەسەنعاليەۆ مالىمدەگەن.

ازاتتىقتىڭ جازۋىنا قاراعاندا، ساتقان ەسەنعاليەۆتىڭ سوزىنشە، 2017-2018 وقۋ جىلىندا قىزدارى مەكتەپتە ورامال تارتاتىن 19 اتا-اناعا قاتىستى ٴىس دەپارتامەنتكە ٴتۇسىپ، 15 اتا-اناعا ٴارقايسىسىنا بەس ايلىق ەسەپتىك كورسەتكىشكە (12025 تەڭگە) تەڭ ايىپپۇل سالىنعان. ول ايىپپۇل سالىنباس بۇرىن دەپارتامەنت اتا-انالارعا ٴبىرىڭعاي مەكتەپ فورماسى تۋرالى ەرەجەنى تۇسىندىرەتىنىن، ەگەر اتا-انا بۇدان كەيىن دە ەرەجەگە باعىنۋدان باس تارتسا، اكىمشىلىك-قۇقىق بۇزۋشىلىق تۋرالى كودەكس بويىنشا 10 ايلىق ەسەپتىك كورسەتكىشكە دەيىنگى كولەمدە ايىپپۇل سالۋ تۇرىندە اكىمشىلىك شارا قولدانىلاتىنىن جەتكىزدى.

دەپارتامەنت باسشىسىنىڭ مالىمەتىنشە، بيىلعى وقۋ جىلىندا اتىراۋ وبلىسىندا 20 شاقتى وقۋشى قىز مەكتەپكە ورامالمەن بارىپ ٴجۇر. قازىرگە دەيىن دەپارتامەنتكە مەكتەپتەردەن قىزدارى ورامال تارتاتىن 12 اتا-اناعا قاتىستى ٴىس تۇسكەن، كەيىن ٴۇش قىز ورامالىن شەشكەندىكتەن ول ٴىستىڭ ۇشەۋى قايتارىلىپ الىنعان.

ٴبىلىم جانە عىلىم مينيسترلىگىنىڭ 2016 جىلعى قاڭتاردا شىعارعان ٴبىرىڭعاي مەكتەپ فورماسى ەرەجەسى تۋرالى №26 بۇيرىعى بىلتىر كۇزدە اقتوبە، باتىس قازاقستان، ماڭعىستاۋ جانە تۇركىستان وبلىستارىنداعى كەي مەكتەپ اكىمشىلىكتەرى مەن اتا-انالار اراسىنداعى "ورامال داۋىنا" سەبەپشى بولعان.

اتالعان ايماقتاردا مەكتەپ اكىمشىلىگى ساباققا كىرگىزبەي قويعان ونداعان وقۋشىنىڭ اتا-اناسى "كونستيتۋسيادا كەپىلدىك بەرىلگەن قۇقىعىمىز بۇزىلدى" دەپ سوتقا شاعىمدانعان. تۇرعىندار شاعىمىن قاراعان سوتتار ٴبىلىم جانە عىلىم مينيسترلىگى مەن مەكتەپتىڭ ۇستانىمىن قولداعان.

بيىلعى جاڭا وقۋ جىلىندا تۇركىستان وبلىسى ماقتارال اۋدانىنداعى فەرداۋسي اۋىلىندا تۇرعىندار وقۋشى بالالارىنىڭ ورامالىن شەشۋدەن باس تارتىپ، مەكتەپ اكىمشىلىگىنىڭ تالابىنا قارسىلىق بىلدىرگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي