BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

اتاۋلى الەۋمەتتىك كومەك الۋشىلاردىڭ كوبى تۇركىستان وبلىسىندا تۇرادى

فوتو: ашық дереккөзден

استانا، baq.kz ٴتىلشىسى. قر ەڭبەك جانە حالىقتى الەۋمەتتىك قورعاۋ ٴمينيسترى ٴمادينا ٴابىلقاسىموۆا اتاۋلى الەۋمەتتىك كومەك الۋشىلاردىڭ كوبى تۇركىستان وبلىسىندا تۇراتىنىن ايتتى.

«توعىز ايدىڭ قورىتىندىسى بويىنشا جاڭا فورماتتا اتاۋلى الەۋمەتتىك كومەك الۋشىلاردىڭ سانى 504 مىڭ ادامدى نەمەسە 97،3 وتباسىن قۇرايدى. ونىڭ ىشىندە 72،4 ادام نەمەسە اتاۋلى الەۋمەتتىك كومەك الۋشىلاردىڭ 14،4% (18،2 مىڭ وتباسى) شارتسىز اقشالاي كومەك، ال 431،6 ادام نەمەسە 85،6% (79 مىڭ وتباسى) شارتتى اقشالاي كومەك الادى. وڭىرلەر بولىنىسىندە اتاۋلى الەۋمەتتىك كومەك الۋشىلاردىڭ كوبى تۇركىستان وبلىسىندا – 34،8%، جامبىل وبلىسىندا – 11،7%، الماتى وبلىسىندا – 10،7%، قىزىلوردا وبلىسىندا – 7% جانە شىمكەنت قالاسىندا – 9،7% تۇرادى. ياعني الۋشىلاردىڭ 75% وسى وڭتۇستىك وڭىرلەردە شوعىرلانعان»، - دەدى ٴابىلقاسىموۆا ماجىلىستە وتكەن «اتاۋلى الەۋمەتتىك كومەكتى ىسكە اسىرۋ بارىسى تۋرالى» ۇكىمەت ساعاتىندا.

ٴمينيستردىڭ ايتۋىنشا، الۋشىلاردىڭ 66% اۋىلدىق جەرلەردە (330 900 الۋشى) جانە 34% قالالىق جەردە (173 100 الۋشى) تۇرادى.

«اتاۋلى الەۋمەتتىك كومەك الۋشىلاردىڭ قۇرىلىمىندا بالالى وتباسىلار باسىم. ولار جاڭا فورماتتا اتاۋلى الەۋمەتتىك كومەك الاتىن وتباسى-بەنەفيسيارلاردىڭ شامامەن 41% قۇرايدى. اتاۋلى الەۋمەتتىك كومەك الۋشى وتباسىلاردىڭ قۇرىلىمىندا 25%-دى تولىق ەمەس وتباسى قۇرايدى. بۇدان باسقا، شارتسىز اقشالاي كومەك الۋشىلاردىڭ قۇرامىندا تولىق ەمەس وتباسىلاردىڭ ۇلەسى 87،4% قۇرايدى نەمەسە 18 200 وتباسىنىڭ 15 ٴ900-ى تولىق ەمەس وتباسى»، - دەدى ٴمادينا ٴابىلقاسىموۆا.

ٴمينيستردىڭ ايتۋىنشا، وسىلايشا، اتاۋلى الەۋمەتتىك كومەك الۋشىلاردىڭ قاتارىندا اۋىلدىق جەرلەردەگى وتباسىلار باسىمىراق – بۇل بارلىق وتباسىنىڭ 63%، وڭتۇستىك وڭىرلەردەگى كوپ بالالى وتباسىلار – 40% جانە تولىق ەمەس وتباسىلار – 25،2% قۇرايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي