BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

استانا-شىمكەنت باعىتىنداعى اۆتوبۋس جولاۋشىلارى قۇتقارىلدى

استانا، baq.kz. «سارىشاعان» ٴتمقپ-نىڭ بريگاداسى قيراپ قالعان اۆتوكولىكتەن جولاۋشىلاردى ەۆاكۋاسيالادى. بۇل تۋرالى قر ٴىىم تجك «اپاتتار مەديسيناسى ورتالىعى» مم ٴباسپاسوز قىزمەتى حابارلادى.

2018 جىلدىڭ 2 قاراشاسىندا ساعات 10:01 مينۋت وتكەندە قاراعاندى وبلىسىنداعى الماتى – ەكاتەرينبۋرگ تاس جولىنىڭ 523-شاقىرىمىندا استانا – شىمكەنت باعىتى بويىنشا كەلە جاتقان، 51 جولاۋشىدان قۇرالعان جولاۋشىلار اۆتوبۋسى سىنىپ قالعان.

بۇل جاعداي تۋرالى حابار «سارىشاعان» تراسسالىق مەديسينالىق-قۇتقارۋ پۋنكتىنىڭ ديسپەتچەرىنە كەلىپ تۇسكەن.

ەۆاكۋاسيالاۋ مەن مەديسينالىق كومەك كورسەتۋ ماقساتىمەن وقيعا ورىنىنا قۇرامى: دارىگەر، فەلدشەر، قۇتقارۋشى جانە جۇرگىزۋشىدەن قۇرالعان، مەديسينالىق قۇتقارۋ رەانيموبيلىندە «سارىشاعان» ٴتمقپ-نىڭ شۇعىل ارەكەت ەتۋ بريگاداسى شۇعىل تۇردە جىبەرىلگەن.

بارلىق جولاۋشى تەكسەرۋدەن وتكىزىلدى. ولاردان سالقىن تييۋ بەلگىلەرى، تۇماۋ بەلگىلەرى، دەنە قىزۋىنىڭ كوتەرىلۋى سياقتى بەلگىلەر انىقتالماعان. ەشكىمگە شۇعىل مەديسينالىق كومەك قاجەت بولماعان.

تمقپ بريگاداسىمەن 17 جولاۋشى ەۆاكۋاسيالانىپ جانە ولاردىڭ بارلىعى «ايان» كافەسىنە جەتكىزىلگەن.

قالعان 34 جولاۋشى قاراعاندى وبلىسى بويىنشا جپق قىزمەتكەرلەرىمەن ەۆاكۋاسيالاندى.

تمقپ بريگاداسى قىس مەرزىمىندە دە ادامدارعا كومەككە كەلەدى، ياعني جولدا تۇرىپ قالعان كولىكتەردەگى ادامدارعا كومەكتەسىپ، جۇرگىزۋشىلەر مەن جولاۋشىلاردى قار بوراۋىنان الىپ شىعادى جانە دە قاجەتتى مەديسينالىق كومەك كورسەتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي